+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قاندالا شىققان مەكتەپ ديرەكتورى جۇمىستان كەتتى - اقتاۋ

21 قاراشا 20:35
:ءبولىسۋ
قاندالا شىققان مەكتەپ ديرەكتورى جۇمىستان كەتتى - اقتاۋ

اقتاۋ. قازاقپارات - اقتاۋداعى №6 مەكتەپتىڭ وقۋشىلارىن قاندالا شاقتى دەگەن شۋ شىعىپ، كەيبىر اتا- انالار دەرەۋ مەكتەپتى جاۋىپ، دەزينفەكسيا جاساۋدى تالاپ ەتەدى. ال، مەكتەپ باسشىلىعى مەن سانيتار ماماندار اتالعان دەرەكتى جوققا شىعارىپ وتىر، دەپ حابارلايدى قازاقپارات ءتىلشىسى.

مەكتەپتە جاعداي ءبىرقالىپتى. بالالار ۋاقتىلى كەلىپ، كۇندەگىشە ساباعىنا بارىپ ءجۇر. وسىلاي دەگەن مۇعالىمدەر ەشقانداي قاندالانىڭ بولماعانىن ايتتى. 8-سىنىپ وقۋشىسىنىڭ اتا- اناسى دا بۇل پىكىرگە قوسىلادى. ايتۋىنشا، ۇلى وقيتىن سىنىپ تىنىش دەيدى.

«مەكتەپكە قاتىستى ايتار شاعىمىم جوق. تاپ- تازا. مۇعالىمدەرى دە مىقتى. ءوزىمنىڭ بالام وسى مەكتەپتە 1-سىنىپتان بەرى وقيدى. قاندالا شىققاندىعىن كەيبىر سىنىپتىڭ اتا- انالارىنان ەستىدىم»، - دەيدى اتا- انا ەلەنا شەلكانوۆا.

ەلەنا شەلكانوۆانىڭ ايتۋىنشا 9 «د» سىنىبىندا وقيتىن وقۋشىنىڭ اتا- اناسى شاعىمدانعان كورىنەدى. وسىلايشا، اتالعان سىنىپتىڭ وقۋشىلارىمەن تىلدەسۋدى ءجون كوردىك.

«مەن جۇما كۇنى ساباقتا دوسىممەن بىرگە وتىردىم. ول كەنەتتەن قولىن بىردەڭە شاعىپ العانىن ايتتى. دەرەۋ ءولتىرىپ تاستادىق. قاسىمىزداعى وقۋشى قىز عالامتوردان قاراپ، ونىڭ قاندالا ەكەنىن ايتتى. مۇعالىمگە ايتتىق. ول نازار اۋدارمادى. ءارى قاراي ۇيگە تاراپ كەتتىك»، - دەيدى 9- سىنىپ وقۋشىسى.

«ءبارىمىز سول كۇنى كوردىك. سۋرەتكە ءتۇسىرىپ الدىق. كەشكە بىرەۋ اتا- اناسىنا ايتقان بولۋ كەرەك. ۆاتساپتاعى اتا- انالار چاتىندا ءبارى تالقىلاپ، 10-نان استام اتا- انا شاعىمدانعان»، - دەيدى 9 سىنىپ وقۋشىسى.

ال، سانيتارلىق ماماندار جاندىكتىڭ بالالارمەن بىرگە ۇيىنەن ەرىپ كەلۋى مۇمكىن، - دەيدى. ارنايى جۇرگىزىلگەن تەكسەرىس كەزىندە قاندالا قورى انىقتالماپتى. ەگەر قانسورعىشتىڭ ۇياسى بولسا، بىردەن كوبەيىپ، 3-4 كۇندە 300-گە جۋىق جۇمىرتقا تاستايدى ەكەن.


«ەشقانداي دا ىزدەرىن، جۇمىرتقالارىن تاپپادىق. بۇل كوبىنە ۇيلەردە، توسەك- كورپەدە بولادى. سىنىپتى تەكسەرگەندە ىزدەرىن بايقامادىم»، - دەيدى «ەكو سيتي» كومپانياسىنىڭ مامانى باقتىباي حۋدياروۆ.

«انىقتالعان جوق. قاندالا انىقتالعان جاعدايدا شاققان وقۋشى ەمحانادا تىركەلۋى كەرەك ەدى. ونداي بولعان جوق. قاندالانىڭ بار- جوقتىعىن، ديزەنفەكسيانى قانداي پرەپاراتتارمەن جاساعاندىعىن، نورماعا ساي ما، سونى قارادىق»، - دەيدى اقتاۋ قالالىق قوعامدىق دەنساۋلىق ساقتاۋ باسقارماسى ءبولىمنىڭ جەتەكشى مامانى جانار لەپەس قىزى.

وسى جاعدايدان كەيىن مەكتەپ ديرەكتورى جۇمىسىنان كەتتى. ءبىلىم باسقارماسىنىڭ ماماندارى باسشىنىڭ كەنەتتەن قىزمەتىن بوساتىلۋىنا بۇل وقيعا سەبەپ بولعان جوق دەيدى.

«قازىرگى تاڭدا مەكتەپ قالىپتى جاعدايعا تۇسكەن. الايدا، بۇگىنگى كۇنى باسشىنىڭ ءوز ەركىمەن جۇمىستان كەتۋىنە بايلانىستى 10 جىلدان بەرى وقۋ ادىستەمەلىك ورىنباسارىن ورنىنا قويدىق. قامقورشىلىق كەڭەسى مەن اتا- انالار كوميتەتى جينالىپ، ءوز بەتتەرىمەن تەكسەرۋ جۇرگىزدى. تاپقان جوق»، - دەيدى اقتاۋ قالالىق ءبىلىم ءبولىمىنىڭ باسشىسىنىڭ مىندەتىن اتقارۋشى باعدات تۇرعانبايەۆا.

ەندى اتا- انالاردىڭ ءوتىنىشى بويىنشا سەنبى، جەكسەنبى كۇنى دەزينفەكسيا جاسالماق.

اۆتور: ءلايلىم ءالىم


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات