18:30, 21 - قاراشا 2019 | GMT +6
جاپونيادا قازاق جىگىتى جاستار اراسىندا سۋمودان چەمپيون اتاندى
نۇر-سۇلتان. قازاقپارات - جاپونيادا قازاقستاندىق ەرسىن بالتاعۇل جاستار اراسىندا سۋمودان چەمپيون اتاندى. ەرسىن توكيوعا وقۋعا 4 جىل بۇرىن كەلگەن.
بۇل ءسۇيىنشى حاباردى قازاق ەلىنە ارمان شورايەۆ جەتكىزدى.
«ءسۇيىنشى، قازاق ەلى! ءبىزدىڭ باۋىرىمىز ەرسىن بالتاعۇل جاپونيادا جاستار اراسىندا سۋمودان چەمپيون اتاعىن جەڭىپ الدى! ەرسىننىڭ توكيودا تۇرىپ، وقىپ جاتقانىنا ءتورت جىل بولدى. موڭعول باۋىرىمىز اساشەرى اقينورىعا مىڭ دا ءبىر العىس، ول ءبىزدىڭ بالانى ءتورت جىل بۇرىن تاڭداپ الىپ، جاپوننىڭ ۇلتتىق كۇرەسى - سۋموعا بەيىمدەپ، دايىنداعان»، دەپ جازدى ول Instagram-داعى پاراقشاسىندا.