دجۋ- دجيتسۋ: ءمولدىر مەكەنبايەۆا ءابۋ- دابيدە الەم چەمپيونى اتاندى

الماتى. قازاقپارات - بەلگىلى قازاقستاندىق سپورتشى ءمولدىر مەكەنبايەۆا بىرىككەن اراب امىرلىكتەرىنىڭ استاناسى ءابۋ- دابي قالاسىندا دجيۋ- دجيتسۋدان وتكەن الەم چەمپيوناتىندا جەڭىمپاز اتاندى، دەپ حابارلايدى قازاقپارات ءتىلشىسى.

بۇل تۋرالى 22 جاستاعى قازاقستاندىق سپورتشى ءوزىنىڭ instagram-داعى پاراقشاسىندا جازدى.

«بيىلعى جىلى الەم چەمپيوناتى «نيەۆازا» ءبولىمى بويىنشا ءابۋ- دابيدە ءوتتى. ءۇش جارىم جىلدان سوڭ مەن سول ارەنادا، ەڭ بەدەلدى جارىستا التىن مەدالعا يە بولدىم»، - دەپ جازدى ءمولدىر مەكەنبايەۆا.

ايتۋىنشا، ول تۋرنيردىڭ فاۆوريتتەرى سانالاتىن اتاقتى سپورتشىلار ونەر كورسەتكەن مىقتى توپقا ەنگەن.

« JJIF حالىقارالىق دجيۋ- دجيتسۋ فەدەراتسياسىنىڭ رەيتينگىندە مەن ءبىرىنشى ورىندا تۇردىم، سوندىقتان مەن العاشقى اينالىمنان اۆتوماتتى تۇردە ءوتتىم. ەكىنشى جەكپە- جەكتە كانادالىق سپورتشىمەن شىقتىم. ونى جەڭگەنەن كەيىن، 2017 -جىلدىڭ چەمپيونىمەن كەزدەسەمىن دەپ ويلادىم. الايدا ول شۆەتسيالىق سپورتشىدان جەڭىلىپ قالدى. ويلاماعان جەردەن ءۇشىنشى جەكپە- جەكتە شۆەتسيا سپورتشىسىن جەڭىپ، فينالعا جولداما الدىم. وندا مەن رەسەيدىڭ تاجىريبەلى سپورتشىسىمەن كۇش سىناستىم. فينالدا مەن قىلقىندىرۋ ءادىسىن قولدانىپ، جەڭىمپاز اتاندىم»، - دەپ جازدى چەمپيون.

ءمولدىر مەكەنبايەۆانىڭ ايتۋىنشا، التىنعا قول جەتكىزۋ وڭاي ەمەس. ول ۇلكەن ەڭبەكپەن، جىگەردى قاجەت ەتەدى.

«الەم چەمپيوناتىندا قازاقستاننىڭ ءانۇرانىن شىرقاتۋ ءۇشىن كوپ كۇش جۇمسايسىڭ. مەن باقىتتىمىن. مەنى اللا تاعالا قولدادى. شۇكىر. سپورتشىنىڭ تۇعىرعا شىعىپ، قولىن جۇرەگىنىڭ تۇسىنا قويىپ، ءوز ەلىنىڭ ءانۇرانىن بىرگە ورىنداۋ ەڭ ۇلكەن باقىت. بۇل كەزدەگى سەزىمدى سوزبەن ايتىپ جەتكىزۋ مۇمكىن ەمەس»، - دەپ ءبولىستى ءوز اسەرىمەن ءمولدىر مەكەنبايەۆا.

ايتا كەتۋ كەرەك، جاقىندا ول برازيليالىق دجيۋ- دجيتسۋدان قوڭىر بەلبەۋ يەگەرى اتانعان بولاتىن.

اۆتور: الما مۇقانوۆا