يلون ماسكتىڭ مارسقا ۇشاتىن زىمىرانى سىناق كەزىندە جارىلىپ كەتتى

None
None
تەحاس. قازاقپارات - سارسەنبى كۇنى تەحاس شتاتىنىڭ بوكا- چيكا ايماعىندا ىسكە قوسۋ كەشەنىندە SpaceX كومپانياسىنا تيەسىلى Starship Mk1 عارىش كەمەسىنىڭ ءبىرىنشى ءپورتوتيپى سىناقتان ءوتۋ بارىسىندا جارىلدى، دەپ حابارلايدى قازاقپارات CBSNews گە سىلتەمە جاساپ.

مەتان مەن وتتەگىگە ارنالعان سيستەرنالار كريوگەندىك سۇيىقپەن تولتىرىلعان كەزدە كەمەنىڭ جوعارعى بولىگى جارىلىپ كەتكەن.

SpaceX كومپانياسى مالىمدەمەسىندە سىناقتىڭ ماقساتى كەمە جۇيەلەرىندەگى قىسىمدى بارىنشا ارتتىرۋ ەكەنىن جانە ونىڭ ناتيجەسى ويداعىداي بولماعانىن اتاپ ءوتتى.

«قىزمەتكەرلەردىڭ ەشقايسىسى زارداپ شەككەن جوق، ال بۇل وقيعا جۇمىستى ودان ءارى توقتاتپايدى» ، - دەلىنگەن مالىمدەمەدە.

سونداي- اق كومپانيا كەمەنىڭ بۇلىنگەن ءپروتوتيپىن جوندەمەي، بىردەن Mk3 تاجىريبەلى نۇسقاسىن قۇرۋعا كىرىسەتىنىن جەتكىزدى.

SpaceX كومپانياسىنىڭ نەگىزىن قالاۋشى يلون ماسك تەحاس شتاتىندا 28 - قىركۇيەكتە Starship كەمەسى ءپروتوتيپىنىڭ تۇساۋكەسەرىن وتكىزىپ، العاشقى وربيتالىق ۇشۋ الداعى ايلارعا جوسپارلانعانىن مالىمدەگەن بولاتىن. عارىش كەمەسىن جاساۋشىلاردىڭ ويىنشا، Starship جولاۋشىلار مەن جۇكتەردى جەر وربيتاسىنا، ايعا جانە ەڭ سوڭىندا مارسقا جەتكىزەدى.

سوڭعى جاڭالىقتار