ەلىمىزدە ۇكىمەتتىك ەمەس ۇيىم وكىلدەرى ىسكەرلىك قازاق ءتىلىن مەڭگەرەدى

نۇر- سۇلتان. قازاقپارات - ەلىمىزدىڭ التى وڭىرىندە ۇكىمەتتىك ەمەس ۇيىم وكىلدەرى ىسكەرلىك قازاق ءتىلىن مەڭگەردى. باستاما باسقا وبلىستاردا دا جۇزەگە اسىرىلادى.

بۇل تۋرالى قازاقستان ازاماتتىق اليانسىنىڭ ۆيتسە- پرەزيدەنتى دوس كوشىم ايتتى، دەپ حابارلايدى قازاقپارات ءتىلشىسى قازاقستان ازاماتتىق اليانسىنىڭ باسپا ءسوز قىزمەتىنە سىلتەمە جاساپ.

الماتى، سولتۇستىك قازاقستان، اقمولا، جامبىل، قوستاناي وبلىستارى مەن نۇر- سۇلتان قالاسىندا ۇكىمەتتىك ەمەس ۇيىم وكىلدەرى ىسكەرلىك قازاق ءتىلىن مەڭگەردى.

«قازاقستاندا ءبىرىنشى سىنىپ وقۋشىلارىنىڭ % 90- ى قازاق بولىمدەرىنە باردى، بۇل قوعام - ءتىلدى مەڭگەرۋ قاجەتتىلىگىن تۇسىنەتىنىن بىلدىرەدى» - دەيدى قازاقستان ازاماتتىق اليانسىنىڭ ۆيتسە- پرەزيدەنتى دوس كوشىم.

كەزدەسۋگە قوعام قايراتكەرى، ساياساتكەر راسۋل جۇمالىمەن بىرگە «ازاماتتىق باستامالاردى قولداۋ ورتالىعى» ك ە ا ق- نىڭ قولداۋىمەن ىسكە اسىرىلعان «ۇكىمەتتىك ەمەس ۇيىمدار اراسىندا مەملەكەتتىك ءتىلدى ىلگەرىلەتۋ بويىنشا ءىس- شارالاردى ۇيىمداستىرۋ» جوباسىن ازىرلەۋشىلەر مەن نەگىزگى ۇيرەتۋشىلەر كەلدى.

«ساراپشىلار ۇكىمەتتىك ەمەس ۇيىم وكىلدەرى اراسىندا مەملەكەتتىك ءتىلدى ءبىلۋ دەڭگەيىن باعالاپ، زەرتتەۋ جۇمىستارىن جۇرگىزگەن. ولاردىڭ ءارقايسىسىندا وقۋ سەمينارلارى وتكىزىلگەن. وقىتۋ ناتيجەلەرى اقپاراتتىق بەينەروليكتە كورسەتىلىپ، سپيكەرلەر جۋرناليستەردىڭ سۇراقتارىنا جاۋاپ بەردى»، - دەلىنگەن حابارلامادا.

اۆتور: زارينا قاھارمان