قار بارىسى تۋرالى قىزىقتى دەرەكتەر

نۇر-سۇلتان. قازاقپارات - قار بارىسى -  مىسىق تۇقىمداستاردىڭ ەرەكشە وكىلى. ولار كەربەز جانە بيىك تاۋلاردا مەكەندەيدى. وكىنىشكە وراي، ولار جويىلىپ كەتۋدىڭ الدىندا تۇر.

قار بارىستارى 6 مەترگە دەيىنگى ۇزىندىققا جانە 3 مەتر بيىككە سەكىرە الادى.

 قار بارىسى تابىلعان ەڭ بيىك جەر تەڭىزدەڭگەيىنەن شامامەن 6 شاقىرىم بيىك ورنالاسقان.

قار بارىسى جويىلىپ كەتۋدىڭ الدىندا تۇرعان اڭ رەتىندە قىزىل كىتاپقا ەنگەن.

 قار بارىسىنىڭ تاعى ءبىر اتاۋى -  ءىلبىس. ول تۇركى تىلىنەن اۋدارعاندا «قار مىسىعى» دەگەن ماعىنانى بەرەدى.

 قار بارىستارى بۇگىنگى كۇننىڭ وزىندە از زەرتتەلگەن. سەبەبى ولاردىڭ مەكەندەيتىن ورتاسىنا جەتۋ قيىن بولعاندىقتان، كەز كەلگەن زەرتتەۋدى قيىنداتادى.

قار بارىستارىنىڭ تابانى - قىسقا ءارى بۇلشىقەتتى، ال قۇيرىعى - ەرەكشە ۇزىن. ول قاتتى جۇگىرگەن نەمەسە سەكىرگەن كەزدە قۇيرىعىن «تىزگىن» رەتىندە پايدالانادى. ىلبىستەردىڭ ۇزىدىعى 2 مەترگە دەيىن جەتەدى (قۇيرىعىمەن قوسا ەسەپتەگەندە) .

 تاۋتاندار (ۇرعاشى قار بارىسى -  رەد) جىلىنا ەكى رەت تولدەيدى.

 قار بارىستارى ادامدارعا ءبىرىنشى بولىپ شابۋىلدامايدى.

 قار بارىسى ءجۇنىنىڭ ءتۇسىنىڭ ارقاسىندا قار باسقان تاۋلاردا كوزگە تۇسە بەرمەيدى.

 قار بارىستارىنىڭ قانشالىقتى ۇزاق ءومىر سۇرەتىنى ناقتى بەلگىسىز. قازىرگى زەرتتەۋلەر ولاردىڭ 20-25 -جىل ءومىر سۇرەتىنىن ايتادى.

 قار بارىستارى -  كوشپەلىلەر. ولار مىڭداعان شارشى شاقىرىم اۋماقتى ۇنەمى كەزىپ جۇرە الادى.

 قار بارىسى سىرت كوزگە قابىلانعا ۇقسايدى. الايدا ونىڭ ءجۇنى سارى ەمەس، اق ءتۇستى.

 قار بارىستارى كومەيىنىڭ ەرەكشەلىگىنە بايلانىستى ىرىلداپ، مياۋلاپ، ۇلي المايدى.

 23 - قازان -  حالىقارالىق قار بارىسى كۇنى.

 قار بارىستارى جالعىز ءومىر سۇرەدى. ولار تىرشىلىك ەتەتىن اۋماعىن قىزعىشتاي قورعاپ، ەشكىمدى كىرگىزبەيدى.

 ون ەكى مەملەكەتتىك اۋماعىندا قار بارىستارىنىڭ پوپۋلياتسياسى قورعاۋ مارتەبەسىنە يە.

 الاندار (قار بارىسىنىڭ بالاسى -  رەد) بالالار سياقتى بيىك توبەشىكتەردەن سىرعاناعاندى جاقسى كورەدى.

 قار بارىسى -  عالامشارداعى بيىك تاۋلاردا ءومىر سۇرەتىن اڭداردىڭ ءبىرى.

 بارىستار تۇندە تىرشىلىك ەتەدى. الايدا قاجەت بولعان جاعدايدا كۇندىز دە بەلسەندىلىگىن ساقتاي الادى.

 ادەتتە بارىستار ۇڭگىرلەردە نەمەسە قۇزداردىڭ جارىلعان جەرلەرىندە وزىنە اپان جاسايدى. سول جەردە ولار كۇندىز ۇيىقتايدى.

 قار بارىستارىنىڭ كوزى وتە جاقسى كورەدى.

قار بارىستارىنىڭ تابانى ۇلكەن بولادى. بارىستار قالىڭ قارمەن جۇرە الادى.