+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

دوپينگ داۋى وليمپيادا ليتسەنزياسىن الۋعا قولبايلاۋ بولىپ وتىر - مينيستر

21 قاراشا 13:54
:ءبولىسۋ
دوپينگ داۋى وليمپيادا ليتسەنزياسىن الۋعا قولبايلاۋ بولىپ وتىر - مينيستر

نۇر-سۇلتان. قازاقپارات - قازاقستان ۇلتتىق قۇراماسىنىڭ سپورتشىلارىنىڭ وتكەن جازعى وليمپيادا ويىندارىمەن سالىستىرعاندا 2020-جىلى وتەتىن توكيو وليمپياداسىنا قاتىسۋ ءۇشىن ليتسەنزيا الۋ قارقىنى باسەڭدەگەن.

بۇگىن ق ر پارلامەنتى سەناتىندا «ق ر كەيبىر زاڭنامالىق اكتىلەرگە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالىپ جاتىر.

2012-جىلى لوندونداعى وليمپيادا ويىندارىنا قاتىسۋ ءۇشىن 115 قازاقستاندىق سپورتشى 20 سپورت تۇرىنەن 106 ليتسەنزيا جەڭىپ الدى. ريو-دە جانەيروداعى جازعى ولميپيادا ويىندارىنىڭ ليتسەنزياسىن 104 قازاقستاندىق 26 سپورت تۇرىنەن جەڭىپ الدى. بۇگىندە 2020-جىلى توكيودا وتەتىن وليمپيادا ويىندارىنا قاتىسۋ ءۇشىن 12 سپورت تۇرىنەن بار-جوعى 28 ليتسەنزيا بار. الدىڭعى وليمپيادا ويىندارىنا دايىندىق كەزىندە شامامەن 50 ليتسەنزيا بولدى. وليمپيادا باستالۋىنا التى ايدان كوپ ۋاقىت قالدى. الدا ىرىكتەۋ تۋرنيرلەرى مەن جارىستارى بار. ءبىر سوزبەن ايتقاندا ىرىكتەۋ جالعاسىپ جاتىر. توكيو وليمپياداسىندا قازاقستاندىق سپورتشىلاردىڭ جەتكىلىكتى سانىن كورە الامىز با؟ ليتسەنزيالاردىڭ از بولۋى دوپينگ داۋىمەن بايلانىستى ەمەس پە؟ - دەپ سۇرادى پارلامەنت سەناتىنىڭ دەپۋتاتى ۆلاديمير ۆولكوۆ مادەنيەت جانە سپورت ءمينيسترى اقتوتى رايىمقۇلوۆادان.

مينيستر سپورتشىلاردىڭ 2020-جىلدىڭ شىلدەسىنە دەيىن ليتسەنزيا الا الاتىنىن ايتتى.

ۇلتتىق قۇراما جيناعان ۇپايلار بويىنشا ليتسەنزيالار بەرىلەدى. سپورتشىلار دايىندالىپ جاتىر. راسىندا ريو-دە-جانەيروعا دايىندىق كەزەڭىندە قۇراما سپورتشىلارىندا جەتكىلىكتى ليتسەنزيا بولدى، شامامەن 45-46. بىزدە ادەتتەگىدەي بوكستان كوپ ليتسەنزيا بولادى. ليتسەنزيالىق جارىستار 4-14- اقپاندا قىتايدا، 13-24- مامىردا پاريجدە وتەدى، - دەپ ايتتى رايىمقۇلوۆا.

ول اۋىر اتلەتيكادان ليتسەنزيانىڭ قىسقارۋىنا دوپينگ داۋى اسەر ەتكەنىن ايتتى.

ءسىزدىڭ ءسوزىڭىز ورىندى، دوپينگ داۋى ءرول وينادى. اۋىر اتلەتيكادان وكىنىشكە قاراي ەلىمىز تەك ەكى ليتسەنزيا الۋعا قۇقىعى بار. جەڭىل اتلەتيكا 20 ليتسەنزياعا دەيىن الاتىن سپورتتىڭ ءبىرى ەدى. دوپينگ داۋىمەن بيىل ليتسەنزيا الۋ تالابى قاتاڭداتىلدى. بۇل جولى 10-12 ليتسەنزيا الۋدى جوسپارلاپ وتىرمىز. وسىعان قاراماستان ۇلتتىق قۇراما، ۇلتتىق وليمپيادا كوميتەتى دايىندالىپ جاتىر. بۇرىنعىدان كەم ەمەس ليتسەنزيا الامىز دەپ ۇمىتتەنەمىن، - دەپ جاۋاپ بەردى ول.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات