پاتەرىندە ءۇش جىل بويى ءولى كۇيىندە جاتقان ەر ادام تابىلدى
جەرگىلىكتى تۇرعىندار بىرنەشە جىل بويى ەگدە جاستاعى كورشىلەرىن كورمەگەندەرىن ايتىپ، پوليتسياعا حابارلاعان. ءتارتىپ ساقشىلارى پاتەردى تەكسەرىپ، ەر ادامنىڭ ءمايىتىن تاپتى.
«كىرەبەرىس ەسىگىندە حاتتار كوپتەپ جينالىپ قالعان. بولجام بويىنشا، ول ءۇش جىل بۇرىن قايتىس بولعان. پاتەردىڭ ىشىندە جارىق جانىپ، راديو جۇمىس ىستەپ تۇردى»، - دەپ مالىمدەدى پوليتسيا قىزمەتكەرى ۆيكتور ادولفسون ءوزىنىڭ Twitter پاراقشاسىندا.
ەندى ەر ادامنىڭ ناقتى نەدەن قايتىس بولعانىن سوت-مەديتسينالىق ساراپتاما انىقتايتىن بولادى.
ايتا كەتەيىك، وسىعان ۇقساس وقيعا گەرمانيادا بولعانىن حابارلاعان ەدىك.
بەلىگىل بولعانداي ەلدىڭ باتىسىنداعى زەندەن قالاسىندا كوپپاتەرلى ءۇيدىڭ ءبىرىنىڭ جەرتولەسىنەن ءورت شىققان.
سوعان بايلانىستى ءورت سوندىرۋشىلەر تۇرعىنداردى قاۋىپسىز جەرگە كوشىرۋ ماقساتىندا پاتەرلەردى ارالاپ، ەسكەرتۋ جۇمىستارىن جۇرگىزگەن.
الايدا پاتەرلەردىڭ بىرىندە ەشكىم جاۋاپ بەرمەگەندىكتەن ولار ەسىكتى بۇزىپ كىرۋگە ءماجبۇر بولادى. ءورت سوندىرۋشىلەر ىشتەن ەر ادامنىڭ قاڭقاسى مەن ءيتتىڭ ولىگىن تاپتى.
بولجام بويىنشا، پاتەر يەسى سەگىز جىل بۇرىن قايتىس بولعان.