قاسىم-جومارت توقايەۆ: «ەگەمەن قازاقستان» قازاق باسپا ءسوزىنىڭ قارا شاڭىراعىنا اينالدى
ەلىمىزدىڭ باس باسىلىمنىڭ مەرەيتويىنا وراي ءوتىپ جاتقان سالتاناتتى شارادا مەملەكەت باسشىسى قۇتتىقتاۋىن ق ر مەملەكەتتىك حاتشىسى قىرىمبەك كوشەربايەۆ وقىپ بەردى، دەپ حابارلايدى قازاقپارات ءتىلشىسى.
«Egemen Qazaqstan» گازەتىنىڭ ۇجىمىن گازەتتىڭ 100 جىلدىق مەرەيتويىمەن شىن جۇرەكتەن قۇتتىقتايمىن! بۇل ءبىر ۇجىمعا عانا ەمەس بۇكىل ەلىمىزگە ورتاق قۋانىش. «Egemen Qazaqstan» اۋەل باستان ۇلتتىق مۇددەنى، ەلدىك مۇراتتى جانە رۋحاني قۇندىلىقتارىمىزدى دارىپتەپ، قازاق باسپا ءسوزىنىڭ قارا شاڭىراعىنا اينالدى. 100 جاساعان گازەتتىڭ ەگەمەندى ەل بولۋ جولىندا جاساعان جۇمىسى ۇشان-تەڭىز»، - دەپ اتاپ وتەدى مەملەكەت باسشىسى.
قازاقستان پرەزيدەنتى سماعۇل ءسادۋاقاسوۆ، جۇسىپبەك ايماۋىتوۆ، مۇقتار اۋەزوۆ، بەيىمبەت مايلين، ساكەن سەيفۋللين، تۇرار رىسقۇلوۆ سياقتى الاش ارىستارى باسقارعان باسىلىم ءاردايىم قازاقتىڭ رۋحىن بيىك ۇستاعاندىنا باسا نازار اۋدارتادى.
«گازەت ۇجىمى كەڭەس زامانىنىڭ وزىندە انا ءتىلىمىز بەن ۇلتتىق سانامىزدى ساقتاۋعا، ءتول مادەنيەتىمىز بەن تاريحىمىزدى ناسيحاتتاۋعا، ەلدىگىمىزدى نىعايتۋعا ولشەۋسىز ۇلەس قوستى. «Egemen Qazaqstan» تاۋەلسىزدىكتىڭ ەلەڭ-الاڭىندا دا شەرحان مۇرتازا مەن ءابىش كەكىلبايەۆتاي ءبىرتۋار ازاماتتاردىڭ باسشىلىعىمەن مەملەكەت ىرگەسىن بيىكتەتۋگە اتسالىستى. قازاقستاننىڭ شەجىرەسى باس باسىلىمنىڭ تاريحىمەن قاتار ءوربىدى. تاۋەلسىزدىك تاڭى اتقالى گازەتتىڭ ءار سانىندا ەلباسىنىڭ بارلىق باستامالارى مەن شەشىمدەرى، مەملەكەتتىك ماڭىزى بار ءىس-شارالار باياندالدى. وسى يگى ءۇردىس جاڭعىرۋدىڭ جاڭا كەزەڭىندە جالعاسىن تاۋىپ، ەگەمەندىكتەر تاۋەلسىزدىگىمىزدىڭ باياندى بولۋى جولىندا جەمىستى قىزمەت ەتە بەرەدى دەپ سەنەمىن. عۇمىرى عاسىرمەن ولشەنەتىن گازەتتىڭ تورقالى تويى قۇتتى بولسىن»، - دەدى قاسىم-جومارت توقايەۆ.
