نۇر-سۇلتان كوشەلەرىن سۋ باسۋ پروبلەماسىمەن جاڭا مەكەمە اينالىسادى
ەندىگى ۋاقىتتا اتالعان ماسەلەنى شەشۋمەن جاڭادان قۇرىلعان مەكەمە اينالىساتىن بولادى، دەپ حابارلايدى قازاقپارات ەلوردا ينفو سايتىنا سىلتەمە جاساپ.
«ءبىزدىڭ باسقارما قالانى جىلۋ، جارىق جانە سۋمەن قامتاماسىز ەتۋ جۇمىستارىمەن اينالىسادى. بىزگە جۇكتەلگەن جاڭا مىندەت - ەلوردانى گازبەن قامتاماسىز ەتۋ. بۇعان دەيىن حابارلاعانىمىزداي، كەلەسى جىلدان باستاپ استانالىقتار گاز پايدالانا باستايدى. باسقارمانىڭ الدىنا قويىلعان نەگىزگى تاپسىرمالاردىڭ ءبىرى - نەشە جىلعى پروبلەماعا اينالعان كوكتەم-كۇز مەزگىلىندە قالا كوشەلەرىن سۋ باسۋ پروبلەماسى. بۇل ماقساتتا وسى ماسەلەمەن اينالىساتىن ارنايى مەكەمە قۇراتىن بولامىز. ايتا كەتۋ كەرەك، قازاقستاننىڭ باسقا قالالارىندا ونداي مەكەمە جوق. ول شارۋاشىلىق جۇرگىزۋ قۇقىعىنداعى مەملەكەتتىك كاسىپورىن بولادى. قالا بويىنشا ءبىر عانا «استانا-تازالىق» ج ش س ۇلگەرمەيدى جانە ولاردىڭ باسقا دا نەگىزگى مىندەتتەرى بار»، - دەدى قالالىق وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى ەرنات ءبازىل.