+7 (701) 759 90 19
-23 °С : نۇر-سۇلتان
-11 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

بوكس: ريو وليمپياداسىنداعى بىردە-ءبىر سۋديا توكيودا تورەلىك ەتپەيدى

21 قاراشا 10:59
:ءبولىسۋ
بوكس: ريو وليمپياداسىنداعى بىردە-ءبىر سۋديا توكيودا تورەلىك ەتپەيدى

نۇر-سۇلتان. قازاقپارات - 2016-جىلى ريو-دە جانەيروداعى جازعى وليمپيادا ويىندارىندا بوكستان تورەلىك ەتكەن بىردە-ءبىر سۋديا 2020-جىلعى توكيو وليمپياداسىنا قاتىستىرىلمايتىن بولدى.

بۇل تۋرالى قازاقپارات حالىقارالىق وليمپيادا كوميتەتىنىڭ سايتىنا سىلتەمە جاساپ حابارلايدى.

حالىقارالىق وليمپيادا كوميتەتى اشىقتىقتى قامتاماسىز ەتۋ ءۇشىن حالىقارالىق بوكس قاۋىمداستىعىنىڭ (AIBA) تارتىبىنە ناقتى وزگەرىستەر ەنگىزىپ وتىر.

«وسىدان بىلاي، تورەشىلەردىڭ بەرگەن باعاسى ءار راۋندتىڭ سوڭىندا جاريالانىپ تۇرادى. تالاس تۋعان جاعدايدا ماسەلەنى ح و ك- تىڭ بوكس بويىنشا بىلىكتى لاۋازىمدى تۇلعالارىنان قۇرالعان پۋل شەشەدى. ريو-2016 وليمپيادا ويىندارىنا قاتىسقان بىردەبىر سۋديا توكيو-2020-جىلعى وليمپيادا ويىندارىنا قاتىسا المايدى»، - دەلىنگەن ح و ك حابارلاماسىندا.

ەسكە سالا كەتسەك، ريو-دە-جانەيرو وليمپياداسىندا ۆاسيلي لەۆيت وليمپيادانىڭ كۇمىس جۇلدەگەرى اتانعان بولاتىن. قازاقستاندىق بوكسشى فينالدا رەسەيلىك ەۆگەني تيشەنكومەن جۇدىرىقتاسىپ، تورەشىلەردىڭ شەشىمىمەن جەڭىلىسكە ۇشىراعان.

الايدا حالىقارالىق وليمپيادا كوميتەتىنىڭ باسشىسى توماس باح كوميتەت 2016-جىلعى وليمپيادادا بولعان كەيبىر بوكس جەكپە-جەكتەرىنە قاتىستى شەشىمدەردىڭ وبەكتيۆتىلىگىن زەرتتەيتىنىن مالىمدەگەن. ول ايقاستاردىڭ ءبىرى - ۆاسيلي لەۆيت پەن ەۆگەني تيشەنكونىڭ جەكپە-جەگى ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات