تانىمال اكتريسا وزىنە قول جۇگىرتكەن جۇرگىزۋشىنىڭ كولىگىنەن سەكىرىپ كەتىپ، قازا تاپتى

نۇر-سۇلتان. قازاقپارات – وزبەكستاننىڭ قاشقاداريا وبلىسىندا اكتريسا گاۆحار شاريپوۆا جول اپاتىنان قازا تاپتى.

ول وزىنە قول جۇگىرتكەن جۇرگىزۋشىدەن قورعانىپ، كولىك سالونىنان سەكىرىپ كەتكەن دەپ حابارلايدى KAZ. NUR. KZ gazeta.uz سايتىنا سىلتەمە جاساپ.

قايعىلى جاعداي قاشقاداريا وبلىسى گۋزار اۋدانى «يارگۋنچي» ماحاللاسى اۋماعىنداعى «سامارقاند-گۋزار» ا-380 اۆتوجولىندا 18- قاراشا كۇنى تۇنگى 02:20 شاماسىندا ورىن العان.

29 جاستاعى Isuzu جۇك كولىگىنىڭ جۇرگىزۋشىسى 39 جاستاعى اكتريساعا تيىسە باستاعان ەكەن. ال شاريپوۆا امالسىزدان كولىك سالونىنان سەكىرىپ كەتۋگە ءماجبۇر بولىپتى.

وبلىستىق ج ق ق ب اقپاراتى بويىنشا، جۇك كولىگى تاس جولدا ساعاتىنا 140 شاقىرىم جىلدامدىقپەن كەلە جاتادى. جۇرگىزۋشى سول قولىمەن ءرولدى ۇستاپ، وڭ قولىمەن جولاۋشى ورنىندا وتىرعان گاۆحار شاريپوۆانىڭ ارقاسى مەن قولىن ۇستاي باستاپتى. اكتريسا ەسىكتى اشقانىنا قاراماستان، ول جىلدامدىقتى توقتاتپاي، جولدا ءجۇرۋ ەرەجەسىنىڭ 77- بابى 3- بولىگىن بۇزعان.

گاۆحار شاريپوۆا العان جاراقاتتارى سالدارىنان وقيعا ورنىندا كوز جۇمدى.

گۋزار اۋداندىق ءى ءى ب تەرگەۋ ءبولىمى قىلمىستىق كودەكستىڭ 266- بابى 2- بولىگى (ادام ولىمىنە اكەپ سوققان كولىك قۇرالدارىنىڭ قوزعالىسى نەمەسە ولاردى پايدالانۋ قاۋىپسىزدىگى قاعيدالارىن بۇزۋ) بويىنشا قىلمىستىق ءىس قوزعادى. قازىر الدىن الا تەرگەۋ جۇمىستارى ءجۇرىپ جاتىر.

گاۆحار شاريپوۆا «الپومىش»، «سارۆينوز»، «الدانعان ايەل»، «اپكە» جانە تاعى باسقا فيلمدەرگە تۇسكەن.