+7 (701) 759 90 19
-8 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

شىمكەنتتىك باس دارىگەرگە قاتىستى جاڭا دەرەكتەر شىقتى

21 قاراشا 10:15
:ءبولىسۋ
شىمكەنتتىك باس دارىگەرگە قاتىستى جاڭا دەرەكتەر شىقتى

نۇر-سۇلتان. قازاقپارات – ب ا ق- تا شىمكەنتتەگى 1№ قالالىق كلينيكالىق اۋرۋحاناسىنىڭ باس دارىگەرى ابىلاي دونبايدىڭ ىسىنە قاتىستى تىڭ دەرەكتەر پايدا بولدى دەپ حابارلايدى KAZ. NUR. KZ.

19- قاراشادا شىمكەنتتەگى 1№ قالالىق كلينيكالىق اۋرۋحاناسىنىڭ باس دارىگەرى ۇستالدى دەگەن حابار تارادى. بەلگىلى ترانسپلانتولوگ، ءبىرىنشى ساناتتاعى حيرۋرگ ابىلاي دونباي ترانسۇلتتىق قىلمىستىق توپقا قاتىسى بار دەپ كۇدىكتەلۋدە.

سونىمەن قاتار، ول ءىرى كولەمدەگى سىياقى ءۇشىن زاڭسىز بۇيرەك ترانسپلانتاتسياسىمەن اينالىسقان دەگەن بولجام بار.

«ەۋرازيا» ءبىرىنشى ارناسىنىڭ سيۋجەتىندە ايتىلعانداي، قازاقستان، وزبەكستان، ۋكراينا ازاماتتارى اتالعان قىلمىستىق توپقا ءوز دەنە مۇشەلەرىن ساتقان. ءسويتىپ، اعزالار يزرايلدەن كەلگەن قالتالى ناۋقاستارعا اۋىستىرىلىپ سالىنعان.

تەلەارنانىڭ اقپارىنشا، بۇل ءىستىڭ تاعى ءبىر بەلگىلى ترانسپلانتولوگ عاني قۇتتىمۇراتوۆتىڭ داۋىنا قاتىسى بار. ايتا كەتەيىك، ول ادام اعزالارىن زاڭسىز الۋ كۇدىگىنە ءىلىنىپ، جارتى جىلدان بەرى قاماۋدا.

تەرگەۋ قازاقستان اۋماعىندا ەكى جىل بويى قىلمىستىق توپ ارەكەت ەتىپ كەلگەنىن انىقتادى. بۇل توپتى بۇيرەكتەردى ساتۋعا نەمەسە ساتىپ الۋعا نيەت بىلدىرۋشىلەردى ىزدەگەن شەتەلدىكتەر ۇيىمداستىرعان. ولار ادامنىڭ بۇيرەگىن 10-15 مىڭ دوللارعا ساتىپ الىپ، ون ەسە جوعارى باعامەن - 100-150 مىڭ دوللارعا اۋىستىرىپ سالعان.

شىمكەنتتىك باس دارىگەر اتالعان ترانسۇلتتىق قىلمىستىق توپتىڭ مۇشەسى بولعان دەگەن كۇدىك بار.

«ك ت ك» تەلەارناسى ءمالىم ەتكەندەي، ابىلاي دونباي بار بولعانى 8 اي بۇرىن مەديتسينالىق مەكەمەنىڭ باس دارىگەرى قىزمەتىنە كەلگەن.

ول ءوزىنىڭ سۇحباتتارىندا وتكەن جىلى تەك ءوزى قىزمەت ىستەيتىن كلينيكادا شەتەلدىكتەرگە بۇيرەك الماستىرۋ بويىنشا 17 وپەراتسيا جاسالعانىن ايتىپ بەرگەن. ناۋقاستاردىڭ ىشىندە گەرمانيا، كانادا، يزرايل جانە رۋمىنيا ازاماتتارى بولعان. سول كەزدە حيرۋرگ ولاردىڭ بارلىعىنىڭ قازاقستانعا ءوز دونورلارىمەن كەلگەنىن مالىمدەگەن ەدى.

ەلىمىزدە زاڭسىز بۇيرەك ترانسپلانتاتسياسى جۇرگىزىلەتىنى تۋرالى اقپارات ۋكراينادان جەتكەن. جەرگىلىكتى پوليتسەيلەر 20 ۋكراينالىقتىڭ ءوز دەنە مۇشەلەرىن ساتقانىن انىقتاعان. ال وپەراتسيالار قازاقستاندا جاسالعان بولىپ شىقتى.

وسىلايشا، «استانا» تەلەارناسى ءوز سيۋجەتىندە بۇرىنعى ۋكراينا ۇلتتىق پوليتسياسى باسشىسىنىڭ ورىنباسارى ۆياچەسلاۆ ابروسكيننىڭ ءسوزىن كەلتىردى.

ونىڭ ايتۋىنشا، جەرگىلىكتى قۇقىق قورعاۋ ورگاندارىنا ۋكراينا ازاماتى كەلىپ، قاتەرلى ىسىككە شالدىققان جۇبايى ءۇشىن ءوز بۇيرەگىن ساتقانىن حابارلاعان. وپەراتسيا قازاقستاندا جاسالىپتى.

سونداي-اق تاعى ءبىر ۋكراينالىق جاعدايى بولماعاندىقتان، دەنە مۇشەسىن ساتۋعا كەلىسكەنىن ايتقان.

«بۇل بەيشارا ازاماتتارىمىز -جاي عانا اعزا جەتكىزۋشىلەر. ال بۇنىڭ ارتىندا ادامداردىڭ قايعىسىنان اقشا تاباتىن حالىقارالىق ۇيىمداسقان قىلمىستىق توپ تۇر»، - دەيدى ۆياچەسلاۆ ابروسكين.

بۇعان دەيىن قازاقستان ىشكى ىستەر مينيسترلىگى شىمكەنتتەگى 1№ قالالىق كلينيكالىق اۋرۋحاناسىنىڭ باس دارىگەرى 18- قاراشا كۇنى ۇستالعانىن حابارلادى. ول ۋاقىتشا ۇستاۋ يزولياتورىنا توعىتىلدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات