+7 (701) 759 90 19
29 °С : نۇر-سۇلتان
35 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلوردادا جاڭا الىپبيگە كوشۋ جاعدايىنداعى سالالىق تەرميندەردى يگەرۋ ماسەلەسى تالقىلاندى

21 قاراشا 09:30
:ءبولىسۋ
ەلوردادا جاڭا الىپبيگە كوشۋ جاعدايىنداعى سالالىق تەرميندەردى يگەرۋ ماسەلەسى تالقىلاندى

نۇر-سۇلتان. قازاقپارات - ەلوردادا قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبىنىڭ «جاڭا الىپبيگە كوشۋ جاعدايىنداعى سالالىق تەرميندەردى يگەرۋ ماسەلەسى» تاقىرىبىنداعى وتىرىسى ءوتتى، دەپ حابارلايدى قازاقپارات.

ق ر مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ تاپسىرماسىمەن ش. شاياحمەتوۆ اتىنداعى «ءتىل-قازىنا» ۇلتتىق عىلىمي- پراكتيكالىق ورتالىعىندا وتكەن شارادا ۇلتتىق ءالىپبيدى قابىلداۋ بارىسىنداعى تەرميندەردى قالىپتاستىرۋ جايى تالقىلاندى.

وتىرىستا مادەنيەت جانە سپورت ۆيتسە ءمينيسترى ن. داۋەشوۆ ءسوز الىپ، تەرمينولوگيالىق جۇمىس توبىنىڭ جۇمىسىن ۇيىمداستىرۋ وسى جىلى ءبىلىم جانە عىلىم مينيسترلىگىنەن مادەنيەت جانە سپورت مينيسترلىگىنە اۋىستىرىلعانىن تىلگە تيەك ەتتى. ول بۇگىنگى وتىرىستىڭ ماقساتى - تەرمينولوگيالىق جۇمىس توبى مۇشەلەرىن قازاق ءتىلى ءالىپبيىن لاتىن گرافيكاسىنا 2025 -جىلعا دەيىن كەزەڭ-كەزەڭىمەن كوشىرۋ بارىسىندا كەزدەسەتىن ماسەلەلەردى ءتيىمدى شەشۋگە جۇمىلدىرۋ، سونى دەر كەزىندە بەلگىلەپ، انىقتاپ وتىرۋ، تەرمينولوگيانى جاڭا كەزەڭگە سايكەس جانداندىرۋ جولدارىن قاراستىرۋدى دا اتاپ ايتتى.

سونىمەن قاتار، الدىمىزدا تەرمينولوگيالىق سوزدىكتەردى ازىرلەۋ، لاتىن گرافيكاسى نەگىزىندە تەرمينولوگيانىڭ عىلىمي نەگىزدەرىن ازىرلەۋ، تەرمينولوگيالىق بازانى تولىقتىرۋ جانە دە باسقا جۇمىستاردىڭ تۇرعانىن العا تارتتى.

بۇدان كەيىن عالىمدار كوتەرىلىپ وتىرعان ماسەلە بويىنشا ءوز ويلارىن ورتاعا سالدى. ولاردىڭ قاتارىندا: ا. فازىلجانوۆا، س. قۇلمانوۆ، ق. ايداربەك و. جۇبايەۆا، س. يتەعۇلوۆا ت. ب. بار.

وتىرىستا اتالعان ماسەلە بويىنشا پروفەسسورلار ش. قۇرمانباي ۇلى قازاق تەرميندەرىن لاتىن الىپبيىنە كوشۋ كەزىندە ا. بايتۇرسىن ۇلى پرينتسيپىنە جۇگىنۋ، قانداي تەرميندەردى اۋدارامىز، قانداي تەرميندەردى ءوز قالپىندا الامىز دەگەن ماسەلەنى قوزعاسا، ب. ءابدۋالي تەرمين جاساۋ كەزىندەگى القالى جيىندارعا جوعارى وقۋ ورىندارىندا قىزمەت ەتىپ جۇرگەن عالىمداردى دا قوسۋ كەرەكتىگىن تىلگە تيەك ەتتى.

بۇل وتىرىستى «ءتىل- قازىنا» ۇلتتىق ورتالىعىنىڭ باس ديرەكتورى ءا. اسقار ۇيلەستىرسە، مادەنيەت جانە سپورت مينيسترلىگى ءتىل ساياساتى كوميتەتىنىڭ ءتوراعاسى ع. مەلدەش قورىتىندىلادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات