+7 (701) 759 90 19
-19 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

جەتىساي اۋدانىندا شىعارىلاتىن اياق كيىمدەر ارزان باعادا ساتىلۋدا

20 قاراشا 21:37
:ءبولىسۋ
جەتىساي اۋدانىندا شىعارىلاتىن اياق كيىمدەر ارزان باعادا ساتىلۋدا

جەتىساي. قازاقپارات - تۇركىستان وبلىسى، جەتىساي اۋدانىندا سپورتتىق اياق كيىم شىعاراتىن شاعىن سەح جۇمىس ىستەيدى.

ش. دىلدابەكوۆ اۋىلدىق وكرۋگىنەن اشىلعان كاسىپورىننىڭ جۇمىسىمەن اۋدان اكىمى جامانتاي بەيسەنبايەۆ تانىسىپ قايتتى، دەپ حابارلايدى قازاقپارات ءتىلشىسى.

تاۋلىگىنە 1500 جۇپ اياق كيىم شىعاراتىن كاسىپورىندا 25 ادام تۇراقتى جۇمىسپەن قامتىلعان. جەكە كاسىپكەر ساكەن شورايەۆ باسقاراتىن سەحتا نەگىزىنەن سپورتتىق اياق كيىمدەر تىگىلىپ، جەرگىلىكتى بازارلار مەن كورشىلەس اۋدان تۇرعىندارىنىڭ سۇرانىسىن قاناعاتتىندىرىپ وتىر. بۇل اياق- كيىمدەردىڭ باعاسى 1900 - 2000 تەڭگەنىڭ كولەمىندە. نەگىزگى شيكىزاتتى قىتايدان الدىراتىن كاسىپكەر اۋدان اكىمىنە ءوز جوسپارلارىن ايتىپ، الداعى ۋاقىتتا كاسىبىنىڭ اۋقىمىن كەڭەيتۋدى كوزدەپ وتىرعانىن جەتكىزدى.


«ءوزىمىزدىڭ وتاندىق ونىمدەرىمىزدى بولاشاقتا برەندكە اينالدىرساق، شاعىن كاسىپورنىمىزدىڭ اۋقىمىن كەڭەيتسەك دەگەن جوسپار بار. سونداي- اق اياقكيىمدەردىڭ سانىن ەكى ەسەگە ارتتىرۋ ويدا بار. جوسپارلارىمىز جۇزەگە اسىپ جاتسا، تاعى دا قوسىمشا جۇمىسشىلاردى قابىلدايتىن بولامىز. وسىلايشا جەرگىلىكتى حالىقتىڭ تۇرمىسىن جاعدايىن جاقسارتۋعا ۇلەس قوسقىمىز كەلەدى. بولاشاقتا جەتىسايدان شىققان سپورتتىق اياق- كيىمدەردى الىس- جاقىن شەتەلدەرگە ەكسپورتتاساق» ، - دەيدى كاسىپكەر.

ەكى جىلدان بەرى توقتاۋسىز جۇمىس ىستەپ كەلە جاتقان اتالمىش كاسىپورىن باسەكەلەستىككە توتەپ بەرۋگە قاۋقارلى سانالادى. سەبەبى، ساپاسى جوعارى ءارى باعاسى تومەن تاۋار قاشاندا حالىقتىڭ سۇرانىسىنا يە. ءوز كەزەگىندە اۋدان باسشىسى شاعىن كاسىپورىننىڭ جۇمىسىنا وڭ باعاسىن بەرىپ، الداعى ۋاقىتتا كاسىبىن باستاعىسى كەلەتىندەرگە مەملەكەت تاراپىنان قولداۋلار كورسەتىلەتىنىن جەتكىزدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات