+7 (701) 759 90 19
-19 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

وزبەكستاندا كونە تۇرىك قاعاندىعى داۋىرىنەن قالعان جەرلەۋ ورنى تابىلدى

20 قاراشا 21:09
:ءبولىسۋ
وزبەكستاندا كونە تۇرىك قاعاندىعى داۋىرىنەن قالعان جەرلەۋ ورنى تابىلدى

تاشكەنت. قازاقپارات - ارحەولوگتار وزبەكستاننىڭ استاناسى تاشكەنتتىڭ سولتۇستىك شىعىسىندا ءتاڭىرتاۋدىڭ باتىس جاعىنداعى تاۋلى ايماقتا VI- VII عاسىرلارعا تيەسەلى دەپ بەلگىلەنگەن كونە تۇرىك داۋىرىنەن قالعان جەرلەۋ ورنىن تاپتى، دەپ حابارلايدى قازاقپارات twesco.org سايتىنا سىلتەمە جاساپ.

تاشكەنت حالىقارالىق ۋنيۆەرسيتەتىنىڭ مامانى سكوت بەكەردىڭ ايتۋىنشا كونە جەرلەۋ ورنى جاۋىن- شاشىننان كەيىن انىقتالعان. وزبەكستان عىلىمدار اكادەمياسى ۇلتتىق ارحەولوگيا ورتالىعى بەرگەن مالىمەت بويىنشا تابىلعان باس سۇيەك جانە كەراميكالىق ىدىستارمەن بىرگە گەوگرافيالىق ايماعى، جالپى اۋماعى جانە جەرلەۋ ورنىنىڭ ءپىشىنىن زەرتتەۋ ءۇشىن ءبىر كۇندىك ساراپتاۋ جۇمىستارى جۇرگىزىلدى.


ارحەولوگيالىق قازبا ناتيجەسىندە ىدىس- اياق، تەمىر قىلىش، پىشاق، ۇزەڭگى، شەگە، جەڭىل تاستار مەن تەمىر تابىلعان. ب. ز. VI عاسىرىندا ورتالىقتاندىرىلعان ساياسي جۇيەدە تۇركىستان اۋماعىنداعى بارلىق تۇركىلەردىڭ باسىن قوسقان كونە تۇركى قاعاندىعى بولاتىن. قارا تەڭىزدەن تىنىق مۇحيتىنا دەيىنگى الىپ كەڭىستىكتە تۇركى قاعاندىعى دەپ اتالعان الپاۋىت يمپەريا قۇرىلعان. وسى يمپەريا داۋىرىندە تاشكەنت جەرى شاش دەپ اتالىپ، اكىمشىلىك ورتالىقتاردىڭ ءبىرى بولعان. شىعىس پەن باتىستى بايلانىستىراتىن ساۋدا جولدارىندا ورىن العان كونە شاش ايماعى قولايلى اۋا- رايى، اۋىز سۋىنىڭ مولدىعى، قۇنارلى توپىراعى، باي جەرىمەن كونە تۇرعىنداردى قىزىقتىراتىن. تاشكەنت ايماعىندا تابىلعان وسىنداي سيرەك ولجانىڭ ارحەولوگيالىق ماڭىزى زور. وزبەك- تۇركى تاريحى مەن گەوگرافيالىق اۋماق تۇرعىسىنان جاڭا مالىمەتتەر ۇسىنۋدا. سول سەبەپتى ۇلتتىق ارحەولوگيا ورتالىعىندا باتىس ءتاڭىرتاۋداعى كوشپەلى وركەنيەتتى زەرتتەۋ ءۇشىن ارنايى توپ قۇرىلدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات