شياڭگاڭداعى قاقتىعىس: قازاقستان ازاماتى ۇستالدى
«گونكونگ قالاسى پوليتسياسىنىڭ قازاقستاندىق ديپلوماتتارعا ۇسىنعان اقپاراتىنا سايكەس، 18 - قاراشا كۇنى نارازىلىق تانىتۋشىلارمەن قاقتىعىس بارىسىندا قازاقستان ازاماتى، گونكونگ باپتيست ۋنيۆەرسيتەتىنىڭ ءبىرىنشى كۋرس ستۋدەنتى نۇكپي ءابىلقايىر ۇستالعان. كونسۋل ازاماتىمىزعا باردى، ونىڭ دەنساۋلىق جاي- كۇيى تۇراقتى، وڭ قولىنىڭ شىنتاعىندا ۇستاۋ كەزىندە قۇلاعات ساتتە العان ازداعان جاراقاتى بار. ۇستالۋ جاعدايىنا ەشقانداي شاعىمى جوق» ، - دەپ اتاپ وتەدى مينيسترلىكتەن.
ۆەدومستۆو مالىمەتىنشە، بۇگىن ونىڭ ىسىنە قاتىستى الدىن الا تىڭداۋ وتكەن. قازىرگى ۋاقىتتا قازاقستاننىڭ باس كونسۋلى بۇل ءىستى ايرىقشا باقىلاۋىنا الىپ وتىر. ديپلوماتتارىمىز دا قازاقستان ازاماتىنىڭ قۇقىقتارىنىڭ ساقتالۋىن قادالاعاپ وتىرماق.
«دەگەنمەن، ديپلوماتتار قىلمىستىق ىستەر جونىندەگى ادۆوكات ىزدەپ جاتىر. اتاپ وتەرلىگى، سوڭعى ۋاقىتتا گونكونگتا 4 مىڭنان استام ادام ۇستالدى جانە وسىعان بايلانىستى ادۆوكاتتاردىڭ جەتىسپەۋشىلىگى بايقالادى،»، - دەدى مينيسترلىكتەن.