ەلىمىزدە حالىقارالىق جۇك تاسىمالىنا رۇقسات كارتوچكالارىن بەرۋ راسىمدەرى جەڭىلدەدى

None
None
 الماتى. قازاقپارات- حالىقارالىق جۇك تاسىمالدارىن جۇزەگە اسىراتىن كولىك قۇرالدارىنا رۇقسات كارتوچكالارىن بەرۋ راسىمدەرى جەڭىلدەدى، بۇل تۋرالى الماتى قالاسى بويىنشا كولىكتىك باقىلاۋ ينسپەكتسياسىنىڭ باسشىسى حاميتبەك پەتراليەۆ ايتتى، دەپ حابارلايدى قازاقپارات ءتىلشىسى.

ءباسپاسوز ءماسليحاتىندا، الماتى قالالىق كولىكتىك باقىلاۋ ينسپەكسياسىنىڭ باسشىسى حاميتبەك پەتراليەۆ كاسىپكەرلىكتى قولداۋ اياسىندا حالىقارالىق جۇك تاسىمالىن جۇزەگە اسىرۋعا اۆتوكولىك قۇرالىنا رۇقسات بەرۋ كارتوچكالارىن بەرۋ ءتارتىبىنىڭ جەڭىلدەتىلگەنىن ايتتى.

حالىقارالىق اۆتوموبيل تاسىمالدارىن جۇزەگە اسىرۋعا رۇقسات بەرۋ كۋالىگىن جانە رۇقسات كارتوچكاسىن الۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى جانە www.egov.kz, www.elicense.kz ۆەب- پورتالدارى ارقىلى ءوتىنىم بەرۋگە بولادى.

حاميتبەك پەتراليەۆ تاسىمالداۋشىلاردى دەلدالداردىڭ قىزمەتىنە جۇگىنبەۋگە، رۇقسات كارتوچكاسىن جانە تيىسىنشە شەتەلدىك رۇقسات بلانكىلەرىن، سونىڭ ىشىندە قىتاي «س» تۇرىندەگى رۇقساتتاردى تىكەلەي الۋعا شاقىردى.

«كولىك كوميتەتى تاسىمالداۋشىلاردىڭ - كولىك تۋرالى جالعان مالىمەت بەرگەن دەلدالداردىڭ سحەماسىن انىقتادى. مەملەكەتتىك كورپوراتسيا ارقىلى ولار حالىقارالىق جۇك تاسىمالداۋعا ارنالماعان اۆتوكولىك قۇرالدارىنا رۇقسات كارتوچكالارىن جانە تيىسىنشە ولاردىڭ نەگىزىندە قۇنى 1 ا ە ك قۇرايتىن شەتەلدىك رۇقسات بلانكىلەرىن الدى. جوعارىدا كورسەتىلگەن رۇقساتتاردى ءۇشىنشى تۇلعالارعا ساتۋدان زاڭسىز پايدا الۋدان باسقا، بۇل ءىس- ارەكەت رۇقساتتاردىڭ جاساندى تاپشىلىعىنا جانە ءارتۇرلى الاياقتىق ارەكەتتەردىڭ كوبەيۋىنە اكەپ سوقتى» ، - دەيدى حاميتبەك پەتراليەۆ.

اۋماقتىق كولىكتىك باقىلاۋ ينسپەكتسيالارى كق مەملەكەتتىك نومىرلەرىن مەملەكەتتىك ورگانداردىڭ ءتيىستى دەرەكتەر بازاسىمەن سالىستىرۋدى جۇزەگە اسىرۋدا. حالىقارالىق جۇك تاسىمالدارىن جۇزەگە اسىرۋعا ارنالماعان اۆتوموبيلدەر تۋرالى مالىمەتتەردى ۇسىنۋ فاكتىلەرى انىقتالعان جاعدايدا، كارتوچكالاردى بەرۋ شەكتەلەتىن بولادى.

«قازىرگى تاڭدا ينسپەكتسيا 10 كومپانياعا قاتىستى حالىقارالىق تاسىمالدارعا رۇقسات بەرۋ كۋالىگى مەن كارتوچكالارىن جارامسىز دەپ تانۋ تۋرالى سوتقا تالاپ- ارىزدارىن جولدادى، ولار قازىرگى ۋاقىتتا الماتى قالاسىنىڭ مامانداندىرىلعان اۋدانارالىق ەكونوميكالىق سوتىندا قارالىپ جاتىر. اتالعان تاسىمالداۋشىلار elicense.kz ۆەب- پورتالى ارقىلى كۋالىك پەن رۇقسات كارتوچكالارىن الۋعا ءوتىنىم بەرگەن كەزدە كق دەرەكتەرىمەن سايكەس كەلمەيتىن قۇجاتتاردى ۇسىنعان» ، - دەيدى ول.

سونىمەن قاتار، ول كولىك پروكۋراتۋراسى ورگاندارىنىڭ كومەگىمەن 8 كومپانياعا قاتىستى، رۇقسات بەرۋ كارتوچكالارىن جانە شەت مەملەكەتتىڭ اۋماعى ارقىلى ءجۇرىپ وتۋگە شەتەلدىك رۇقساتتى الۋ كەزىندە، جەكە كاسىپكەرلەرمەن رەسمي قۇجاتتاردى قولدان جاساۋ جانە كورىنەۋ جالعان قۇجاتتاردى پايدالانۋ فاكتىلەرى بويىنشا قىلمىستىق ءىس قوزعالىپ، ءىستى قاراۋ ساتىسىندا تۇرعاندىعىن اتاپ ءوتتى.

كاسىپكەرلەردىڭ ىڭعايلىلىعى ءۇشىن مينيسترلىكتىڭ رەسمي سايتىندا اۆتوموبيل كولىگى بولىمىندە ەلدەر بولىنىسىندە شەتەلدىك رۇقساتتاردىڭ بولۋى جانە قايتارىلۋى بويىنشا اقپارات ورنالاستىرىلعان. سونداي- اق، حالىقارالىق قاتىناستا جۇك تاسىمالداۋشىلارىن شەتەلدىك رۇقساتتاردى ەلەكتروندىق ءوتىنىم بەرۋ جۇيەسىندە جانە حالىقارالىق جۇك تاسىمالدارىن جۇزەگە اسىرۋعا قاتىستى باسقا دا اقپاراتتى ورنالاستىرۋ تۋرالى حاباردار ەتۋ ماقساتىندا اعىمداعى جىلدىڭ قاراشا ايىنىڭ باسىندا كوميتەت @tasymaldau تەلەگرام ارناسىن قۇردى.

قازىرگى ۋاقىتتا رۇقسات بەرۋ جۇيەسىن قولدانۋ ەرەجەسىنە وزگەرىستەر مەن تولىقتىرۋلار ەنگىزىلدى، ونىڭ ىشىندە شەتەلدىك رۇقساتتاردى بەرۋ كەزىندە كق ماركاسى مەن مەملەكەتتىك ءنومىرى تۋرالى دەرەكتەردى مىندەتتى تۇردە تولتىرۋ بولىگىندە. قازىرگى ۋاقىتتا ءتيىستى بۇيرىق قازاقستان رەسپۋبليكاسىنىڭ ادىلەت مينيسترلىگىندە تىركەلۋدە.

بۇل شارالار شەتەلدىك رۇقساتتاردى ءۇشىنشى تۇلعالارعا بەرۋ، ولاردى قايتا ساتۋ جانە رۇقساتتاردىڭ «تاپشىلىعىن» قۇرۋ جاعدايلارىن بولدىرماۋعا مۇمكىندىك بەرەدى.

بۇدان باسقا، كوميتەت كولىكتى سيفرلاندىرۋ شەڭبەرىندە تەستىلىك رەجىمدە قىتاي حالىق رەسپۋبليكاسىمەن شەكاراداعى «نۇر- جولى» اۆتوموبيل وتكىزۋ پۋنكتىندە اۆتوماتتاندىرىلعان رەجىمدە شەتەلدىك رۇقسات بلانكىلەرىن بەرۋ بويىنشا پيلوتتىق جوبانى ەنگىزدى. اتالعان جوبانى قىتاي تاراپى قولدادى جانە قازاننىڭ ءۇشىنشى ونكۇندىگىندە وسى جوبانى ەنگىزۋ بويىنشا قوسىمشا كەزدەسۋ وتكىزىلدى.

«رۇقسات بلانكىلەرىن ەلەكتروندىق فورماتقا اۋىستىرعاننان كەيىن جانە ولاردى اۆتوماتتى رەجىمدە بەرۋدى جۇزەگە اسىرعاننان كەيىن بلانكىلەردىڭ «تاپشىلىعى» جانە ولاردى ءۇشىنشى تۇلعالارعا بەرۋ ماسەلەلەرى جويىلادى، - دەپ قورتىندىلادى حاميتبەك پەتراليەۆ.

سوڭعى جاڭالىقتار