18:37, 20 - قاراشا 2019 | GMT +6
ەلباسى جوعارعى سوت ءتوراعاسى جاقىپ اسانوۆتى قابىلدادى
نۇر- سۇلتان. قازاقپارات - قر تۇڭعىش پرەزيدەنتى - ەلباسى نۇرسۇلتان نازاربايەۆ جوعارعى سوت ءتوراعاسى جاقىپ اسانوۆتى قابىلدادى، دەپ حابارلايدى قازاقپارات elbasy.kz سىلتەمە جاساپ.
كەزدەسۋ بارىسىندا سوتتار مەن جالپى سوت جۇيەسىن رەفورمالاۋ ناتيجەلەرى تالقىلاندى.
قازاقستاننىڭ تۇڭعىش پرەزيدەنتى زاڭ ۇستەمدىگىن قامتاماسىز ەتۋ جانە حالىقتىڭ سوتقا دەگەن سەنىمىن ارتتىرۋ بويىنشا ءىس- شارالاردى جۇزەگە اسىرۋدىڭ ماڭىزدىلىعىن اتاپ ءوتتى.
- جاسالىپ جاتقان جۇمىستىڭ باعىتى دۇرىس. بۇگىنگى تاڭدا سۋديالار الدىندا كۇردەلى مىندەتتەر تۇر. حالىق ادىلدىك ىزدەپ سوتقا جۇگىنەدى. ەڭ باستىسى - سوت ادىلدىگىن قامتاماسىز ەتۋ. بارلىعى زاڭ اياسىندا بولۋى شارت، - دەدى ەلباسى.