مارستاعى جاندىكتەر سۋرەتكە ءتۇسىپ قالعان
روموزەردىڭ ايتۋىنشا، مارستا ءبىرقاتار اناتوميالىق مۇشەلەرگە، ياعني، قاناتتارى، ساۋىپ قابىعى، مۇرتشالار مەن سيممەتريالىق دەنە بىتىمىنە يە ءتىرى اعزالاردىڭ بار كورىنەدى. عالىم اپپاراتتىڭ كومەگىمەن تۇسىرىلگەن سۋرەتتەردى مۇقيات زەرتتەگەن. سوزىنشە، كەسكىندەردەگى جاندىكتەردىڭ ءجۇرىپ نەمەسە قوزعالىپ كەلە جاتقاندىعى انىق كورىنەدى. روموزەر الداعى ۋاقىتتا ونىڭ تاپقاندارى مارستا تىرشىلىكتىڭ بار ەكەندىگىن دالەلدەيتىن ايعاق بولارى ءسوزسىز ەكەندىگىن جەتكىزدى.
دەسەك تە ونىڭ قىزمەتتەستەرىنىڭ ايتۋىنشا، زەرتتەۋشى پەرەيدولياعا شالدىعۋى مۇمكىن ەكەن. ياعني، عالىم ۇزاق زەرتتەۋدەن كەيىن جوق نارسەگە سەنە باستايتىن كورىنەدى. پەرەيدوليانىڭ كورنەكى مىسالى رەتىندە «مارستىق سفينكس» سۋرەتىن ايتۋعا بولادى: مارستاعى جارىق پەن كولەڭكەنىڭ اسەرىنەن اپپاراتتاعى سۋرەت ادام تۇرىنە ۇقساپ قالعان.