مەملەكەت باسشىسى سيفرلىق حالىققا قىزمەت كورسەتۋ ورتالىعىنا باردى
«Digital Centre» ورتالىعىندا مەملەكەت باسشىسىنا تۇرعىندار مەن ەل قوناقتارىنا قىزمەت كورسەتەتىن ەلەكتروندى ۇكىمەت جۇيەسى تانىستىرىلدى. قاسىم- جومارت توقايەۆقا «eGov mobile» موبيلدى قوسىمشاسى، Facebook, VKontakte الەۋمەتتىك جەلىلەرى مەن Telegram مەسسەندجەرى ارقىلى مەملەكەتتىك قىزمەت الۋدىڭ جاڭا مۇمكىندىكتەرى مەن ارتىقشىلىقتارى كورسەتىلدى.
سونىمەن قاتار 2020 -جىلعا قاراي مەملەكەتتىك قىزمەت كورسەتۋدىڭ 90 پايىزىن سيفرلىق فورماتقا كوشىرۋ جوسپارى تۋرالى دا ايتىلدى. - باستىسى - ساپا مەن جەدەل قىزمەت كورسەتۋ. ءبىز جوعارى تەحنولوگيالاردى پايدالاناتىن الدىڭعى قاتارلى ەل بولۋىمىز كەرەك دەپ ويلايمىن، - دەدى مەملەكەت باسشىسى. بۇگىندە «Digital Centre» ورتالىعىندا 1220 ادامنىڭ بيومەتريالىق دەرەگى تىركەلگەن. وسىنىڭ ارقاسىندا ولار وزدەرىنىڭ جەكە قۇجاتتارىن كورسەتپەي- اق مەملەكەتتىك قىزمەت الا الادى. ورتالىق قاشىقتان ۆيدەو- سەرۆيس ارقىلى قىزمەت كورسەتەدى. سونداي- اق ەلوردا تۇرعىندارى بۇل جەردە سيفرلىق ساۋاتتىلىق داعدىلارىن مەڭگەرەدى.