گەرمانيا ەكس- پرەزيدەنتىنىڭ ۇلىن ءدارىس كەزىندە ءولتىرىپ كەتتى
نۇر- سۇلتان. قازاقپارات - 1984 -جىلدان 1994 -جىلعا دەيىن گەرمانيانىڭ پرەزيدەنتى بولعان ريچارد فون ۆايتسساكەردىڭ ۇلى 59 جاستاعى فريتس فون ۆايتسساكەرگە سەيسەنبى كۇنى بەرلين اۋرۋحاناسىندا ءدارىس وقىپ جاتقان كەزدە پىشاق جاراقاتىن الىپ، كەشقۇرىم كوز جۇمدى.
بۇل تۋرالى RBB اقپاراتتىق پورتالى جەرگىلىكتى پوليتسياعا سىلتەمە جاساپ حابارلايدى.
ايتا كەتەيىك، قاندى وقيعا بەرليننىڭ شارلوتتەنبۋرگ اۋدانىندا ورنالاسقان مارقۇمنىڭ جۇمىس ىستەگەن Schlosspark-Klinik ەمحاناسىندا بولعان. بەلگىسىز ەر ادام فريتس فون ۆايتسزەككەر ءدارىس وقىپ جاتقان ۋاقىتتا وعان جاقىنداپ كەلىپ، پىشاق سۇققان.
پوليتسيانىڭ مالىمەتىنشە، دارىسكە قاتىسۋشىلاردىڭ بىرەۋى كومەكتەسپەك بولعان كەزىندە جاراقات الدى. كوپ ۇزاماي وقيعا ورنىنا قاۋىپسىزدىك قىزمەتكەرلەرى كەلىپ، تىڭداۋشىلاردىڭ كومەگىمەن قىلمىسكەردى ۇستادى.
ونىڭ ارەكەتىنىڭ سەبەپتەرى تۋرالى دەرەك جوق، تەرگەۋ امالدارى جۇرگىزىلۋدە.
