+7 (701) 759 90 19
-16 °С : نۇر-سۇلتان
1 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ق ر پرەزيدەنتى ەلورداداعى يننوۆاتسيالىق ەكوجۇيە نىساندارىمەن تانىستى

20 قاراشا 17:27
:ءبولىسۋ
ق ر پرەزيدەنتى ەلورداداعى يننوۆاتسيالىق ەكوجۇيە نىساندارىمەن تانىستى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ەلورداداعى يننوۆاتسيالىق ەكوجۇيە نىساندارىمەن تانىستى، دەپ حابارلايدى قازاقپارات اقورداعا سىلتەمە جاساپ.

قاسىم- جومارت توقايەۆ «Alem» باعدارلامالاۋ مەكتەبىنە، حالىقارالىق «Astana hub» - ستارتاپتار تەحنوپاركىنە جانە «Astana IT University» اقپاراتتىق تەحنولوگيالار ۋنيۆەرسيتەتىنە باردى. بۇل نىسانداردىڭ ءبارى «استانا ەكسپو-2017» اۋماعىندا ورنالاسقان.


قازاقستان پرەزيدەنتى «Alem» مەكتەبىنىڭ وقىتۋ باعدارلاماسىمەن تانىستى. وقۋشىلارمەن اڭگىمەلەسۋ بارىسىندا ول الەمدە IT سالاسىنىڭ وزەكتىلىگى مەن سۇرانىسقا يە ەكەنىن اتاپ ءوتتى.


- قازاقستاننىڭ ماقساتى - الەمدىك ۇردىستەن قالىپ قويماۋ. ەڭ باستىسى، زامان اعىمىمەن ءجۇرىپ وتىرۋىمىز كەرەك، ايتپەسە ءبىز الەمدىك دامۋ ۇدەرىسىنەن سىرت قالامىز. ءبىز جاستاردى وسىنداي داعدىلارعا باۋلىپ، اتالعان سالاعا كوپتەپ تارتۋىمىز كەرەك. ءبىلىم الۋعا ۇمتىلاتىن وتە قابىلەتتى جاستارىمىز جەتكىلىكتى، - دەدى قاسىم- جومارت توقايەۆ.

وقۋشىلار مەملەكەت باسشىسىنا لەكسيالاردى، باعا قويۋ ءادىسىن جانە باسقا دا ءداستۇرلى ءبىلىم بەرۋ ەلەمەنتتەرىن مۇعالىمسىز باعدارلامالاۋدى قالاي ۇيرەنۋ كەرەكتىگىن ايتتى.


سودان كەيىن مەملەكەت باسشىسى حالىقارالىق «Astana hub» IT - ستارتاپتار تەحنوپاركىنە باردى. قاسىم- جومارت توقايەۆقا تەحنوپارك بازاسىندا جۇزەگە اسىرىلىپ جاتقان ماتچمەيكينگكە ارنالعان كيبەرسپورت پلاتفورماسى مەن اۆتوماتتاندىرىلعان «INUI Software» ساۋدا الاڭى، «Tastamat» موبيلدى پوستاماتتارى، «Clockster» دەپ اتالاتىن قىزمەتكەرلەردىڭ جۇمىسقا كەلىپ- كەتۋىن تىركەيتىن بيومەتريالىق جۇيە جانە باسقا دا ستارتاپ- جوبالار تانىستىرىلدى.


«Astana IT University» اقپاراتتىق تەحنولوگيالار ۋنيۆەرسيتەتىندە مەملەكەت باسشىسىنا جوعارى وقۋ ورنىنىڭ نەگىزگى باعىتتارى تۋرالى مالىمەت بەرىلىپ، وقۋ كابينەتتەرى مەن زەرتحانالارى كورسەتىلدى.



قاسىم- جومارت توقايەۆ ستۋدەنتتەردى ساپالى ءبىلىم الىپ، ەلىمىزدىڭ يگىلىگى ءۇشىن جۇمىس ىستەۋگە شاقىردى.

- ۋنيۆەرسيتەت ەلباسى نۇرسۇلتان نازاربايەۆتىڭ تىكەلەي باستاماسىمەن اشىلعان. ءبىلىم بەرۋ تۇرعىسىنان بۇل ۋنيۆەرسيتەت بەدەلدى ءارى بىلىكتى ماماندار دايارلايتىن، بەدەلدى وقۋ ورنىنا اينالاتىنىنا ەشقانداي كۇمانىم جوق. نەعۇرلىم جاقسى ءبىلىم الساڭىزدار، مىنا قيىن دا الماعايىپ ومىردەن الار ەنشىلەرىڭىز سوعۇرلىم كوپ بولادى، - دەدى پرەزيدەنت.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات