كليماتتىڭ وزگەرۋىنەن قىزىل الما جويىلۋى مۇمكىن - عالىمدار

نۇر- سۇلتان. قازاقپارات - دۇكەندەردە جاسىل، سارى المانىڭ ءتۇر- ءتۇرى تۇراتىنىنا قاراماستان، قىزىل المانىڭ ورنى ەرەكشە. ءتىپتى، كىتاپتاردا دا المانىڭ قىزىل ءتۇستى بولاتىنى ەرەكشە دەتال ەكەنى راس، دەپ جازادى ВВС.

«قازىرگى المالاردىڭ ارعى اتاسى قازاقستاندا وسكەن جابايى اعاشتار بولدى. ادامزاتتىڭ دامۋىنان سوڭعى ەلۋ جىلدا جابايى المانىڭ سانى ازايعانىنا قاراماستان، بۇگىنگى تاڭدا ول جەرلەردە ءالى دە جابايى الما وسەدى»، دەپ جازادى اۆتور.

ونىڭ ايتۋىنشا، عالىمدار المانىڭ تۇسىنە الما قابىعىنداعى بەلگىلى ءبىر گەن اسەر ەتەتىنىن انىقتادى. سونىمەن قاتار المانىڭ تۇسىنە اۋا تەمپەراتۋاسى دا اسەر ەتەتىنى بەلگىلى بولدى.

«عالىمدار كۇن ىستىق بولعان كەزدەرى، اسىرەسە شىلدە ايلارىندا قىزىل المانىڭ رەڭى سارىلاۋ بولاتىنىن بايقاعان. ياعني، عالىمدار جاھاندىق جىلىنۋ سالدارىنان قىزىل المانىڭ جويىلاتىنىن بولجاپ وتىر»، دەپ جازادى باسىلىم.

اۆتور: ايكۇمىس بولاتبەك