+7 (701) 759 90 19
-8 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

حالىقارالىق بايقاۋلاردا «دالا قىراندارى» تەلەسەريالى باق سىنايدى

20 قاراشا 17:05
:ءبولىسۋ
حالىقارالىق بايقاۋلاردا «دالا قىراندارى» تەلەسەريالى باق سىنايدى

نۇر- سۇلتان. قازاقپارات - اسكەري ۇشقىشتاردىڭ ءومىرى مەن قىزمەتىن دارىپتەيتىن وتاندىق «دالا قىراندارى» تەلەسەريالى حالىقارالىق فەستيۆالدەرگە قاتىسادى.

بۇل تۋرالى «حابار» اگەنتىنىڭ باس پروديۋسەرى ايدوس تۇرىسبەك قازاقپارات تىلشىسىنە بەرگەن سۇحباتىندا ايتىپ بەردى.

«تەلەسەريال 25 - قاراشادان باستاپ «حابار» ارناسىنان دۇيسەنبى - بەيسەنبى كۇندەرى كەشكى ساعات 22:30-دا كورسەتىلەدى. سەريالدىڭ جانرى اسكەري- دراما. جانە الداعى ۋاقىتتا «حابار» - عا قاراستى تەلەارنالاردان دا كورسەتەتىن بولامىز. جوبا ەكى مينيسترلىكتىڭ بىرلەسۋىمەن ءتۇسىرىلدى جانە ول 12 سەريادان تۇرادى. سونداي- اق، اتالعان سەريالدى حالىقارالىق كينوفەستيۆالدەر مەن بايقاۋلارعا قاتىستىرۋ جوسپاردا بار. بۇعان دەيىن ءبىزدىڭ ارنامىزدىڭ تۋىندىسى «التىنشى بەكەت» تەلەسەريالى «توففي» سىيلىعىن جەڭىپ الدى. قازاقستاننىڭ اۋە كۇشتەرىنىڭ الەۋەتىن كورسەتەتىن مۇنداي پاتريوتتىق فيلمدەر شەتەلدىك كورەرمەندەرگە قىزىق بولادى دەپ ويلايمىن»، - دەدى ا. تۇرىسبەك.

سونداي- اق، باس پروديۋسەر شەتەلدەن سۇرانىس بولسا، سەريالدى حالىقارالىق پروكاتقا شىعارۋ جوسپارى بارىن دا تىلگە تيەك ەتتى.

«تەلەسەريالعا دەگەن ۇسىنىس، سۇرانىس بولىپ جاتسا الداعى ۋاقىتتا حالىقارالىق پروكاتقا شىعارۋ ويدا بار. ءبىراق الدىمەن وتاندىق كورەرمەندەردىڭ ىقىلاسىن بايقاپ كورگىمىز كەلەدى»، - دەدى ول.

ونىڭ ايتۋىنشا، تەلەارنادان كورسەتىلەتىن فيلمدەردى حالىقتىڭ قانشالىقتى جىلى قابىلداعانىن انىقتايتىن ارنايى رەيتينگتەر بار جانە سول ارقىلى كورەرمەندەر ىقىلاسىن بايقاۋعا بولادى.

بۇعان دەيىن جاڭا «دالا قىراندارى» اتتى تەلەسەريالىنىڭ تۇساۋى كەسىلگەنىن حابارلاعان بولاتىنبىز.

وتاندىق تۋىندىنىڭ تۇساۋكەسەر راسىمىنە ق ر اقپارات جانە قوعامدىق دامۋ ءمينيسترى داۋرەن ابايەۆ پەن ق ر قورعانىس ءمينيسترى نۇرلان ەرمەكبايەۆ قاتىستى.

اۆتور ءالي يبرايەۆ


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات