اتىراۋدا ايازعا ءتوزىمدى ديزەل وتىنى وندىرىلە باستادى
«قازاقستاننىڭ كوپتەگەن ايماقتارىندا كۇننىڭ سۋىتۋىنا بايلانىستى اتالمىش وتىن وتاندىق تۇتىنۋشىلار اراسىندا كەڭىنەن سۇرانىسقا يە بولادى. ءبىرىنشى پارتيا اتىراۋ مۇناي وڭدەۋ زاۋىتىندا 14 - قاراشادا جونەلتىلدى، بۇگىنگى كۇنى 3088 توننا تيەلدى. اتىراۋ م ءو ز قاراشا ايىندا 3500 توننا مۇناي جونەلتۋدى جوسپارلاپ وتىر»، - دەپ حابارلادى «قازمۇنايگاز » ۇ ك» ا ق باسقارما ءتوراعاسىنىڭ مۇناي وڭدەۋ جانە ماركەتينگ جونىندەگى ورىنباسارى دانيار تيەسوۆ.
Khazar -38 ديزەل وتىنى- زاۋىت پەن بۇكىل قازاقستان ءۇشىن بىرەگەي ءونىم. ول ك5 ەكولوگيالىق كلاسقا سايكەس كەلەدى، ياعني قۇرامىندا كۇكىرت پەن پارافيندەرى جوقتىڭ قاسى جانە قۇرامىندا تومەن تەمپەراتۋرا قاسيەتتەرىنە اسەر ەتەتىن قوسپالار جوق، سوندىقتان بۇل تەحنولوگيالىق پروتسەستىڭ تازا ءونىمى. قازاقستاندا مۇنايدى تەرەڭ وڭدەۋ كەشەنىنىڭ Prime D ديزەل وتىنىن گيدروتازالاۋ جانە دەپارافينيزاتسيالاۋ قوندىرعىسىندا عانا وسىنداي قاتپايتىن جانارماي وندىرىلەدى.
اۆتور اباي ابىلاي ۇلى