+7 (701) 759 90 19
-2 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قاراعاندى، جەزقازعان، تەمىرتاۋ تۇرعىندارىنا «سارى ارقا» گازى بەرىلە باستايدى

20 قاراشا 15:04
:ءبولىسۋ
قاراعاندى، جەزقازعان، تەمىرتاۋ تۇرعىندارىنا «سارى ارقا» گازى بەرىلە باستايدى

نۇر-سۇلتان. قازاقپارات - بيىل قاراعاندى، جەزقازعان، تەمىرتاۋ قالالارىندا جالپى 398 ءۇيدىڭ تۇرعىندارىنا گاز بەرىلەدى.

بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا ق ر ەنەرگەتيكا ۆيتسە-ءمينيسترى مۇرات جۇرەبەكوۆ ايتتى، دەپ حابارلايدى قازاقپارات ءتىلشىسى.

«قاراعاندى وبلىسىنىڭ اكىمدىگى اۆتوماتتاندىرىلعان گاز تاراتۋ ستانساسىنان قاراعاندى، تەمىرتاۋ جانە جەزقازعان قالالارىنا گاز قۇبىرىن بۇرۋ جانە تاراتۋ جەلىلەرىن سالۋدى قاراستىرىپ وتىر. قاراعاندى وبلىسىندا گاز تاراتۋ جەلىسىن سالۋ ءۇشىن بيىل رەسپۋبليكالىق بيۋدجەتتەن 2,4 ميلليارد تەڭگە بولىنگەن. ونىڭ 1 ميلليارد تەڭگەسى قاراعاندى، 1 ميلليارد تەڭگەسى جەزقازعان، 400 ميلليون تەڭگەسى تەمىرتاۋ قالاسىنا جۇمسالادى»، - دەدى ۆيتسە-مينيستر.

ونىڭ دەرەگىنشە، 3 قالادا دا مەردىگەر ۇيىم ايقىندالىپ، ولار قۇرىلىس-مونتاجداۋ جۇمىستارىن باستاپ كەتتى. قاراعاندى قالاسىنا 38 شاقىرىم نەمەسە جوسپارلانعان قۇبىردىڭ 90 پايىزى جەتكىزىلدى. ال جەزقازعان قالاسىنا جوسپارلانعان قۇبىر ونىمدەرى 100 پايىز جەتكىزىلىپ، ونىڭ 66 پايىزى دانەكەرلەنگەن. تەمىرتاۋ قالاسىنا دا قۇبىر ونىمدەرى 100 پايىز جەتكىزىلىپ، 50 پايىزدان استامى دانەكەرلەنىپ ۇلگەردى.

«قاراعاندى وبلىسىنىڭ اكىمدىگى جىل سوڭىنا دەيىن جەزقازعاندا - 148, تەمىرتاۋدا – 100، قاراعاندىدا 150 ءۇيدىڭ تۇرعىندارىنا گاز قوسۋدى جوسپارلاپ وتىر. تولىقتاي العاندا، قاراعاندى وبلىسى اكىمدىگىنىڭ اقپاراتىنا سايكەس، 1-كەزەڭ قۇرىلىسىن اياقتاۋ 2020 -جىلدىڭ مامىرىنا جوسپارلانعان»، - دەدى مۇرات جۇرەبەكوۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات