+7 (701) 759 90 19
-2 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

مانزوروۆ ءىسى: باس پروكۋراتۋرا اگەنتتىكتىڭ شاعىمىن قولدامادى

20 قاراشا 14:45
:ءبولىسۋ
مانزوروۆ ءىسى: باس پروكۋراتۋرا اگەنتتىكتىڭ شاعىمىن قولدامادى

نۇر-سۇلتان. قازاقپارات - باس پروكۋراتۋرا باعدات مانزوروۆقا قاتىستى قىلمىستىق ءىستىڭ جابىلۋىنا بايلانىستى ق ر سىبايلاس جەمقورىققا قارسى ءىس-قيمىل اگەنتتىگىنىڭ نارازىلىق تانىتۋىنا پىكىر ءبىلدىردى، دەپ حابارلايدى قازاقپارات ءتىلشىسى.

«ءتيىستى راسىمدەر بار. ەگەر دە قىلمىس قۇرامى بولماسا، وندا شەشىم قابىلدانادى. تەرگەۋ پروتسەسىنە ەشكىم دە ىقپال ەتە المايدى. اتاپ ايتقاندا، قىلمىس قۇرامى نەمەسە قىلمىستىلىق وقيعاسى بولماسا، ىسكە نۇكتە قويىلادى»، - دەدى ق ر باس پروكۋرورىنىڭ ورىنباسارى مارات احمەتجانوۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.

وسى ورايدا، ول سىبايلاس جەمقورلىققا قارسى قىزمەتتىڭ شاعىمى قاناعاتتاندىرىلماعانىن راستادى.

«پروكۋراتۋرا بۇل قىلمىستىق قۋدالاۋدى توقتاتتى. اگەنتتىكتىڭ شاعىمى قاناعاتتاندىرىلمادى»، - م. احمەتجانوۆ.

ەسكە سالساق، الماتى وبلىسى اكىمىنىڭ ورىنباسارى باعدات مانزوروۆ ۇستالعانى تۋرالى بۇعان دەيىن حابارلاعان بولاتىنبىز. ق ر سىبايلاس جەمقورلىققا قارسى ءىس-قيمىل اگەنتتىگى وعان ق ر قىلمىستىق كودەكسىنىڭ 190-بابى، 2-بولىگى، 2-تارماعى («لاۋازىمىن پايدالانۋ ارقىلى اسا ءىرى كولەمدەگى الاياقتىق») بويىنشا ايىپ تاقتى.

كەيىن باس پروكۋراتۋرا باعدات مانزوروۆقا قاتىستى قىلمىستىق ءىس توقتاتىلعانىن رەسمي تۇردە مالىمدەدى. كوپ ۇزاماي شەنەۋنىك ءوز قىزمەتىنە قايتا كىرىستى.

ءوز كەزەگىندە اگەنتتىك باس پروكۋراتۋرانىڭ بۇل شەشىمىنە نارازىلىق تانىتتى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات