+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلوردالىقتار كوگىلدىر وتىن قىزىعىن قاشان كورەدى؟

20 قاراشا 13:28
:ءبولىسۋ
ەلوردالىقتار كوگىلدىر وتىن قىزىعىن قاشان كورەدى؟

نۇر-سۇلتان. قازاقپارات - 2020-جىلدىڭ كۇزىنەن باستاپ ەلوردا تۇرعىندارىنا گاز بەرىلە باستايدى.

بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا ق ر ەنەرگەتيكا ۆيتسە-ءمينيسترى مۇرات جۇرەبەكوۆ ايتتى، دەپ حابارلايدى قازاقپارات ءتىلشىسى.

«سارىارقا» ماگيسترالدى گاز قۇبىرىنا قوسىلۋ ءۇشىن نۇر-سۇلتان قالاسىنىڭ، قاراعاندى مەن اقمولا وبلىستارىنىڭ اكىمدىكتەرى گاز تاراتۋ جەلىلەرىن سالۋى ءتيىس. نۇر-سۇلتان قالاسىندا گاز تاراتۋ جەلىسىن سالۋ 2025-جىلعا دەيىنگى قۇرىلىس مەرزىمىمەن ءۇش كەزەڭگە بولىنگەن. قالا اكىمدىگى 9 ىسكە قوسۋ كەشەنى بار 1-كەزەڭنىڭ جوبالىق-سمەتالىق قۇجاتتاماسىنا مەملەكەتتىك ساراپتامانىڭ وڭ قورىتىندىسىن الدى»، - دەدى ۆيتسە-مينيستر.

ونىڭ ايتۋىنشا، ءبىرىنشى كەزەڭدى جۇزەگە اسىرۋ ءۇشىن بيىل رەسپۋبليكالىق بيۋجەتتەن 2,2 ميلليارد تەڭگە بولىنگەن. اتالعان قاراجاتتىڭ 550 ميلليون تەڭگەسى 1-جانە 2-ىسكە قوسۋ كەشەنىنە، 1,7 ميلليارد تەڭگە 3- جانە 6-ىسكە قوسۋ كەشەندەرىن سالۋعا جۇمسالادى.

«بارلىق 9 ىسكە قوسۋ كەشەنى بويىنشا مەردىگەر ۇيىمدار انىقتالىپ، قۇرىلىس-مونتاجداۋ جۇمىستارى باستالدى. 1- ءىنشى، 2-ىسكە قوسۋ كەشەندەرى جىلۋ ەلەكتر ستانساسىنا جەلى تارتۋدى كوزدەيدى. قازىرگى ۋاقىتتا 4 شاقىرىم نەمەسە 15,4 پايىز قۇبىر توسەلدى. ج ە س-1، 3 كە ارنالعان گازدى رەتتەۋ بەكەتىنىڭ ىرگەتاسىن دايىنداۋ جۇمىستارى اياقتالدى. جىلدىڭ سوڭىنا دەيىن گازدى رەتتەۋ بەكەتىنە قاجەتتى بارلىق قۇرال-جابدىقتار مەن 100 پايىز قۇبىر ونىمدەرىن جەتكىزۋ كۇتىلەدى. 3 تەن باستاپ 6-ىسكە قوسۋ كەشەندەرى كوكتال-1، 2 تۇرعىن ءۇي الاپتارىنا گاز تاراتۋ جەلىلەرىن قامتيدى. بۇل كەشەندەر اياسىندا 14 شاقىرىم نەمەسە 78 پايىز قۇبىر جەتكىزىلدى. كوكتال شاعىن اۋدانىندا 4 گاز رەتتەۋ بەكەتىنىڭ ىرگەتاسىن دايىنداۋ جۇمىستارى اياقتالدى. جىلدىڭ سوڭىنا دەيىن 4 گاز رەتتەۋ بەكەتىن جانە 100 پايىز قۇبىر ونىمدەرىن جەتكىزۋ كۇتىلەدى»، - دەدى ۆيتسە-مينيستر.

مۇرات جۇرەبەكوۆ 7 دەن باستاپ 9-ىسكە قوسۋ كەشەندەرى وڭتۇستىك-شىعىس، جەلەزنودوروجنىي تۇرعىن ءۇي الاپتارىنا گاز جەتكىزۋدى كوزدەيتىندىگىن ايتتى. بۇل باعىتتا وسى جىلدىڭ سوڭىنا دەيىن 9 شاقىرىم قۇبىر ونىمدەرى جەتكىزىلمەك.

«ءبىرىنشى كەزەڭ مەن 9-ىسكە قوسۋ كەشەنى قۇرىلىسىنىڭ تولىقتاي اياقتالۋى كەلەسى جىلدىڭ جىلۋ بەرۋ ماۋسىمىنا، ياعني 2020-جىلدىڭ كۇزىنە جوسپارلانعان»، - دەدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات