+7 (701) 759 90 19
-21 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

الماتىدا وليمپيادا جۇلدەگەرى دەنيس تەن اتىنداعى شاكىرتاقى تاعايىندالدى

20 قاراشا 12:59
:ءبولىسۋ
الماتىدا وليمپيادا جۇلدەگەرى دەنيس تەن اتىنداعى شاكىرتاقى تاعايىندالدى

الماتى. قازاقپارات - الماتىدا وليمپيادا جۇلدەگەرى، سپورتشى دەنيس تەننىڭ اتىنداعى شاكىرتاقى تاعايىندالدى.

قازاقستان بريتان تەحنيكالىق ۋنيۆەرسيتەتىنىڭ رەكتوراتى بۇل قارجىلاي كومەكتى سپورتتان دا، بىلىمنەن دە ۇزدىك شىققان ءۇش ستۋدەنتكە بەرەتىن بولادى، دەپ حابارلايدى قازاقپارات ءتىلشىسى.

ايتا كەتۋ كەرەك، سپورتشى وسى وقۋ ورنىنىڭ ماگيستراتۋراسىندا ءبىلىم العان بولاتىن.

سالتاناتتى شاراعا سپورتشىنىڭ اناسى وكسانا تەن شاقىرىلدى.

«وقۋ ورنىنىڭ باسشىلىعى ءوز كۇشتەرىمەن تالانتتى جاستاردى قولداۋ ءۇشىن اتاۋلى شاكىرتاقى بەرىپ جاتقانى كوڭىل قۋانتادى. دەنيستىڭ دە ارمانى سول ەدى. بۇل شارالار ەل جاستارىنىڭ سپورت، ءبىلىم سالاسىندا دامۋىنا، جاستاردىڭ بويىنداعى پاتريوتتىق سەزىمدى وياتۋعا ىقپالىن تيگىزەرى ءسوزسىز. ءبىز ءوز كەزەگىمىزدە قازاقستاندا مانەرلەپ سىرعاناۋ ونەرىنىڭ دامۋىنا بارىنشا ۇلەس قوسىپ جاتىرمىز. جاقىندا 1- حالىقارالىق تۋرنير وتكىزدىك»، - دەدى اناسى.

ال وقۋ ورنىنىڭ رەكتورى كەنجەبەك يبراشيەۆ شاكىرتاقىنى يەلەنۋگە 80 ستۋدەنت ءوتىنىم بەرگەنىن حابارلادى. ارنايى كوميسسيا ولاردىڭ اراسىنان ۇزدىك 3 ستۋدەنتتى تاڭداپ الدى.

«دەنيس تەن ق ب ت ۋ Executive MBA بيزنەس مەكتەبىنىڭ ماگيسترانتى بولاتىن. ول سپورتتاعى ەرەن جەتىستىكتەرىنە قاراماستان، وقۋدا دا قىراعىلىق تانىتىپ، ءبىزدىڭ ستۋدەنتتەرگە جان-جاعىنان ۇلگى بولا ءبىلدى. سول ءۇشىن ق ب ت ۋ كينوزالىنا دەنيس تەننىڭ ەسىمىن بەردىك. Endowment قورىنىڭ كومەگىمەن دەنيستىڭ اتىنداعى شاكىرتاقى تاعايىنداۋدى شەشتىك»، - دەدى كەنجەبەك يبراشيەۆ.

ايتا كەتۋ كەرەك، وڭتۇستىك كورەيانىڭ سەۋل قالاسىندا 6-11- قاراشا اراسىندا مانەرلەپ سىرعاناۋدان وليمپيادا جۇلدەگەرى دەنيس تەننىڭ شىعارماشىلىعىنا ارنالعان كورمە ءوتتى.

كورمەدە ءتۇرلى حالىقارالىق سايىستاردا تۇسىرىلگەن فوتوسۋرەتتەر، قىسقامەتراجدى فيلم كورسەتىلدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات