+7 (701) 759 90 19
-19 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

باس پروكۋراتۋرا: ۇرلىققا قاتىستى ارەكەتتەر اۋىر قىلمىستار ساناتىنا كوشەدى

20 قاراشا 12:16
:ءبولىسۋ
باس پروكۋراتۋرا: ۇرلىققا قاتىستى ارەكەتتەر اۋىر قىلمىستار ساناتىنا كوشەدى

نۇر-سۇلتان. قازاقپارات - ۇرلىققا قاتىستى ارەكەتتەر اۋىر قىلمىستار ساناتىنا كوشەدى. بۇل تۋرالى پارلامەنت ءماجىلىسىنىڭ جالپى وتىرىسى ق ر باس پروكۋرورىنىڭ ورىنباسارى مارات احمەتجانوۆ ءمالىم ەتتى، دەپ حابارلايدى قازاقپارات ءتىلشىسى.

ايتا كەتەيىك، بۇگىن جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جانە قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانىپ جاتىر.

«ىزگىلەندىرۋ العاشقى رەت قوعامعا، ازاماتتارىمىزعا ونشا قاۋىپ توندىرمەيتىن اۋىر ەمەس قىلمىستارعا عانا قاتىستى. ولارعا تۇزەتىلۋ ءۇشىن مۇمكىندىك بەرۋ كەرەك. ال جۇيەلى تۇردە قىلمىستى كاسىپكە اينالدىرعان ادامدارعا جازا اۋىر بولۋى ءتيىس. بۇلارعا مەملەكەتتىڭ بارلىق رەپرەسسيۆتىك كۇشى جۇمسالادى. اسىرەسە، قاساقانا ادام ولتىرگەندەرگە، پەدوفيلدەرگە، ەكسترەميستەرگە، ەسىرتكى ساتۋشىلارعا، براكونەرلەرگە، جانۋارلار دۇنيەسىنە قول سۇققاندار مەن ۇيىمداسقان قىلمىسقا بارعان ادامدارعا. مەملەكەت باسشىسى قاسىم-جومارت توقايەۆ ءوز جولداۋىندا وسىنداي قىلمىستار ءۇشىن جاۋاپتىلىقتى قاتايتۋ تۋرالى تاپسىرما بەردى»، - دەدى مارات احمەتجانوۆ.

وسى ورايدا، ءبىرقاتار قاساقانا قىلمىستار ءۇشىن جاۋاپتىلىقتى كۇشەيتۋ ەسكەرىلگەن.

«بۇل تۇزەتۋلەردىڭ ءبىر بولىگى مەنشىككە قارسى قىلمىستارعا قاتىستى. الدىمەن، ۇرلىق، توناۋ جانە قاراقشىلىق ماقساتىندا ءۇي-جايعا، قويماعا، كولىك قۇرالىنا زاڭسىز بۇزىپ كىرۋمەن جاسالعان قىلمىستار ءۇشىن جاۋاپتىلىق كۇشەيمەك. ۇرلىققا قاتىستى ارەكەتتەر اۋىر قىلمىستار ساناتىنا كوشەدى. دەمەك، تاتۋلاسۋ بولمايدى. ءتىپتى، زالال ورنىن تولتىرسا دا، كەشىرىم بەرسە دە قىلمىستىلىق جاۋاپتىلىقتان بوساتىلمايدى»، - دەدى م. احمەتجانوۆ.

ەسكە سالساق، بۇعان دەيىن مال ۇرلىعى اۋىر قىلمىسقا جاتقىزىلۋى مۇمكىن ەكەندىگىن حابارلاعان بولاتىنبىز.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات