اسكەري قىزمەتشىلەر دابىل بويىنشا ءىس-قيمىلداردى پىسىقتادى
بۇل تۋرالى قازاقپارات ق م باسپا ءسوز قىزمەتىنە سىلتەمە جاساپ حابارلايدى.
اسكەري قىزمەتشىلەر ءبولىم كەزەكشىسىنىڭ ءىس-قيمىلىنان باستاپ جاۋىنگەرلىك تەحنيكانىڭ شىعۋى جايلى ءىس-قيمىلدى ورىندادى.
اسكەري قىزمەتشىلەر ق ر قورعانىس مينيسترىنە كەزەكشى بولىمشەنىڭ، ءبولىم بويىنشا كەزەكشىنىڭ ءىس-قيمىلدارىن، باقىلاۋ توبىنىڭ جۇمىسىن ۇيىمداستىرۋدى، جەكە قۇرامعا قارۋ-جاراق پەن مۇلىكتى بەرۋدى، قارۋ-جاراق پەن اسكەري تەحنيكانى قىسقا مەرزىمدى ساقتاۋدان الىپ تاستاۋ ءتارتىبىن جانە جاۋىنگەرلىك تەحنيكانىڭ تۇراعىنان شىعۋىن كورسەتتى.
بولىمشە تولىقتىرۋدى قارسى الۋ پۋنكتىنىڭ جۇمىسى قالاي ۇيىمداستىرىلاتىنىن، جەرگىلىكتى اسكەري باسقارۋ ورگاندارىمەن ءوزارا ءىس-قيمىلدىڭ قالاي جۇرگىزىلەتىنىن پىسىقتادى.
ەستەرىڭىزگە سالا كەتەيىك، 18-21- قاراشا ارالىعىندا قورعانىس مينيسترلىگىندە قازاقستان قارۋلى كۇشتەرىنىڭ باسشىلىق قۇرامىمەن وقۋ-ادىستەمەلىك وقۋ-جاتتىعۋ جيىنى وتكىزىلۋدە. بۇل ءتۇرلى پىشىندەگى ءىس-شارالاردىڭ جيىنتىعى. اتاپ ايتقاندا، كوماندالىق-شتابتىق اسكەري ويىن، نۇسقاۋلىق-ادىستەمەلىك ساباقتار، دارىستەر جانە تاكتيكالىق لەزدەمەلەر.
