گولليۆۋدتىڭ پروديۋسەر-رەجيسسەرى تارازدا شەبەرلىك ساباعىن وتكىزدى
سەمينار بارىسىندا امەريكا قۇراما شتاتتارىنان ارنايى كەلگەن گولليۆۋدتىق بەلگىلى پروديۋسەر، رەجيسسەر-سەناريست، مونتاج رەجيسسەرى جانە ەممي سىيلىعىنىڭ نومينانتى، جازۋشى - دجەننيفەر ارنولد قازىرگى كەزدە كينونىڭ قوعامدا الاتىن ورنى، ءتۇسىرىلىم كەزىندە رەجيسسەردىڭ، سەناريستىڭ، اكتەردىڭ ءىس- قيمىلدارى، سيۋجەتتىڭ قۇرىلىمدارى جونىندە شەبەرلىك ساباعىن وتكىزدى.
سەمينار باعدارلاماسىنا سايكەس، جامبىل «وبلىستىق كينو ورتالىعىنىڭ» ديرەكتورى ە. اۋەسبايەۆ، قازاقستانداعى ا ق ش باس كونسۋلدىعىنىڭ وكىلى ب. بۋرينا، «Taraz Film School» ديرەكتورى د. قامشىبايەۆ وتكىزىلىپ جاتقان شارا تۋرالى ءوز ويلارىمەن ءبولىستى.
ايتۋلى شارا وڭىرلىك كينويندۋستريانى دامىتۋ، دارىندى جاستاردىڭ كينو ونەرىنە سۇيىسپەنشىلىگىن ارتتىرۋ جانە كاسىبي ءبىلىمى مەن بىلىكتىلىگىن شىڭداۋعا مۇمكىندىك سىيلاۋ، بوس ۋاقىتتارىن ءتيىمدى پايدالانا وتىرىپ، وتاندىق كينەماتوگرافيانىڭ وركەندەۋىنە ۇلەس قوساتىن مامانداردى دايارلاپ شىعارۋعا نەگىزدەلدى. وعان تاراز قالاسىنىڭ جوعارى وقۋ ورىندارى، كوللەدج مەكتەپتەردەن جانە باسقا دا مەكەمەلەردەن 150 گە جۋىق كورەرمەن قاتىستى.
ايتا كەتەيىك، دجەننيفەر ارنولد كومەديا، دراما، كوركەم فيلم جانە دەرەكتى فيلمدەر تۇسىرەدى. ول - «A Small Act» (HBO)، «The Diplomat» (ESPN) جانە «Tig» (Netflix) ءتارىزدى تانىمال دەرەكتى فيلمدەردىڭ رەجيسسەرى، سونداي-اق «Fat Camp» كومەدياسى مەن «Fox» ارناسىنداعى «The Last Man on Earth» جانە «Ghosted» سەريالدارىن تۇسىرۋگە قاتىسقان. ونىڭ رەجيسسەرلىك جۇمىستارىنىڭ اراسىندا «American Horror Story» جانە «American Housewife» سەريالدارى دا بار.
اۆتور: عيبرات سەمباي