+7 (701) 759 90 19
21 °С : نۇر-سۇلتان
18 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

ەربول شايمەردەن ۇلىنىڭ «ساعىم داۋرەن» اتتى ولەڭدەر جيناعى جارىق كوردى

20 قاراشا 08:44
:ءبولىسۋ
ەربول شايمەردەن ۇلىنىڭ «ساعىم داۋرەن» اتتى ولەڭدەر جيناعى جارىق كوردى

نۇر-سۇلتان. قازاقپارات - اقىن، جازۋشى-پۋبليتسيست، ءرامىزتانۋشى، قازاقستان جازۋشىلار وداعىنىڭ مۇشەسى، قازاقستان رەسپۋبليكاسىنىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى، رەسپۋبليكاداعى العاشقى باسپا ءسوز قىزمەتىن ۇيىمداستىرۋشىلاردىڭ ءبىرى ەربول شايمەردەن ۇلىنىڭ «ساعىم داۋرەن» اتتى ولەڭدەر جيناعى جارىق كوردى، دەپ حابارلايدى قازاقپارات.

اتالعان جيناققا اقىننىڭ 1995-جىلى شىققان «كوڭىل سۋرەتى»، 2004-جىلى شىققان «جۇرەكتەگى جازۋلار» جىر جيناقتارىنان «سەنەمىن ساعان، جارىق كۇن»، «تەربەلەدى وي-بەسىك»، «جالعاسا بەر، جولدارىم»، «جانىمنىڭ جايىپ جاپىراعىن» اتتى تاراۋلارى، 2006-جىلى تولىقتىرىلىپ، قايتا باسىلعان «جۇرەكتەگى جازۋلار» كىتابى جانە 2013-جىلى شىققان التى تومدىق شىعارمالار جيناعىنىڭ ەكىنشى تومىنا ەنگەن جانە بۇرىن جاريالانباعان بىرنەشە جىرلارى ەنىپ وتىر.

اقىن ەربول شايمەردەن ۇلىنىڭ بۇل جىر جيناعى ايشىقتى ازاماتتىق ۇنىمەن، تەرەڭ وي سارىنىمەن، اق ادال سىرشىلدىعىمەن ەرەكشەلەنەدى. ادام مەن قوعام تۋرالى، ءومىر جايلى سەزىم مەن سەنىمنەن ورىلگەن سىرشىل تولعانىستار شىنايىلىعىمەن تارتىمدى. وتانشىلدىققا، ادالدىق پەن ارلىلىققا شاقىراتىن ويلى ولەڭ، وتتى جىرلار جىرسۇيەر قاۋىمنىڭ جۇرەگىنە جول تاباتىنى ءسوزسىز.

جيناق قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى «مادەنيەت جانە ونەر سالاسىنداعى باسەكەلەستىكتى جوعارىلاتۋ قازاقستاندىق مادەني مۇرانى ساقتاۋ، زەردەلەۋ مەن ناسيحاتتاۋ جانە مۇراعات ءىسىنىڭ ىسكە اسىرىلۋ تيىمدىلىگىن ارتتىرۋ» باعدارلاماسى «ادەبيەتتىڭ الەۋمەتتىك ماڭىزدى تۇرلەرىن ساتىپ الۋ، باسىپ شىعارۋ جانە تاراتۋ» كىشى باعدارلاماسى بويىنشا جارىق كوردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات