+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

الماتىدا «كازبات» كوركەم فيلمىنىڭ العاشقى كورسەتىلىمى ءوتتى

19 قاراشا 21:51
:ءبولىسۋ
الماتىدا «كازبات» كوركەم فيلمىنىڭ العاشقى كورسەتىلىمى ءوتتى

الماتى. قازاقپارات - الماتىدا تانىمال رەجيسسەر اسقار ۇزابايەۆتىڭ «كازبات» اتتى جاڭا اسكەري دراماسىنىڭ باستاپقى كورسەتىلىمى ءوتتى، دەپ حابارلايدى قازاقپارات ءتىلشىسى.

فيلم ق ر اسكەري قىزمەتشىلەرىنىڭ تاجىك- اۋعان شەكاراسىندا بىتىمگەرلىك ماقساتتا قىزمەت اتقارعان كەزىندەگى شىنايى وقيعانى باياندايدى. 1995 -جىلى 7 - ءساۋىر كۇنى پشيحارۆ شاتقالىندا قازاقستان ىشكى اسكەرىنىڭ جەتىنشى قۇراما روتاسى سودىرلاردىڭ تۇتقيىلدان جاساعان شابۋىلىنان وت پەن وقتىڭ قۇرساۋىنا ءتۇسىپ قالادى. جاۋدىڭ كۇشى باسىم بولعان ۇرىستا 17 ادام قازا بولىپ، 33- ءى جارالانعان ەدى.


اۋعان جاعىنان شابۋىل جاساعان سودىرلار ءبىر ساعاتتىڭ ىشىندە تاجىكستان اۋماعىنا ءوتىپ كەتۋدى جوسپارلاعان بولاتىن. ءبىراق ولارعا قارسى جاسالعان شابۋىلدىڭ وتە كۇشتى بولعاندىعىنان، بەس ساعاتقا سوزىلعان قارۋلى قاقتىعىستان كەيىن كەرى شەگىنۋگە ءماجبۇر بولدى. بۇل وقيعا قازاقستاننىڭ ىشكى اسكەرلەرى تاريحىنداعى ەڭ قايعىلى وقيعا بولىپ قالا بەرەدى.

فيلمدە تانىمال، تالانتتى اكتەرلەر داۋرەن سەرعازين، رينات دوشيبەكوۆ، حالىق راحات، دياس مىرزاحمەت، شاريفبەك زاكيروۆ جانە ينديرا شىنبولات قىزى وينايدى.


فيلمنىڭ يدەياسىن ۇسىنعان – ق ر ۇلتتىق ۇلانىنىڭ باس قولباسشىسى گەنەرال- لەيتەنانت رۋسلان جاقسىلىقوۆ، باس پروديۋسەر - دانيار يبراگيموۆ، قويۋشى رەجيسسەر - اسقار ۇزابايەۆ، فيلمنىڭ قويۋشى باس وپەراتورى - ماكسيم زادارنوۆسكيي.


«مەن بۇل وقيعانىڭ 7 - ساۋىردە بولعانىن ەستىگەندە تۇسىنىكسىز كۇي كەشتىم. سەبەبى 7 - ءساۋىر مەنىڭ تۋعان كۇنىم. سوندىقتان وسى وقيعانى باياندايتىن فيلم ءتۇسىرۋ كەرەك ەكەنىن ءتۇسىندىم. مۇمكىندىگىنشە شىنايى وقيعاعا جاقىن بولۋعا تىرىستىق. ءبىراق مەن رەجيسسەر رەتىندە فيلوسوفيالىق ويلارعا كوبىرەك ءمان بەرگەن سياقتىمىن» ، - دەدى رەجيسسەر اسقار ۇزابايەۆ.


ءتۇسىرىلىم الماتى وبلىسىنا قاراستى شارىن شاتقالى مەن ىلە وزەنىنىڭ بويىندا ءوتتى.

كوركەم فيلم 21 - قاراشادان باستاپ ەلىمىزدىڭ بارلىق كينوتەاترلارىندا كورسەتىلە باستايدى. فيلمنىڭ تەلەديدارعا ارنالعان نۇسقاسى كەلەسى جىلى 7 - ءساۋىر كۇنى اتالعان قارۋلى قاقتىعىستىڭ 25 جىلدىعىنا وراي «قازاقستان» تەلەارناسىنان كورسەتىلەدى.

اۆتور: الما مۇقانوۆا



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات