قازاقستاندا زىمىران اسكەرلەرى مەن ارتيللەريا كۇنى اتالىپ ءوتىلدى

None
None
نۇر- سۇلتان. قازاقپارات - بۇگىن ەلىمىزدە زىمىران اسكەرلەرى جانە ارتيللەريا بۇگىن كاسىبي مەرەكەلەرىن اتاپ وتۋدە، دەپ حابارلايدى قازاقپارات ق ر قورعانىس مينيسترلىگىنە سىلتەمە جاساپ.

زىمىران اسكەرلەرى جانە ارتيللەريا - قازاقستاندىق اسكەردە ولار قارسىلاستى اتىسپەن زاقىمداۋدا تاپسىرمالاردىڭ نەگىزگى ءبولىمىن ورىندايتىن قۇرلىق اسكەرلەرىنىڭ نەگىزگى اتىس كۇشى بولىپ تابىلادى.

«ولار قارۋلى كۇشتەر قۇرلىق اسكەرلەرىنىڭ قۇرامىنداعى جوعارى ەپتىلىك پەن دالدىكتى تالاپ ەتەتىن جەكە اسكەر ءتۇرى. اسكەر تاكتيكالىق زىمىرانداردىڭ قۇرامالارىنان، گاۋبيتسالىق، زەڭبىرەكتىك، رەاكتيۆتى جانە تانكىگە قارسى قولدانىلاتىن ارتيللەريادان، ارتيلللەريالىق بارلاۋدان، مينااتقىش جانە تانكىگە قارسى بولىمشەلەردەن تۇرادى.

اتالعان بولىمدەر مەن بولىمشەلەر قاجەتتى زىمىران مەن 82-دەن 300 م م- گە دەيىنگى كاليبرلى ارتيللەريالىق جۇيە تۇرلەرىمەن قامتاماسىز ەتىلگەن»، دەلىنگەن حابارلامادا.

ماسەلەن، مينااتقىشتار، ارتيللەريالىق قوندىرعىلارى، تىركەمەلى قۇرالدار، «گراد»، «گراد-1»، «پريما»، «ۋراگان» جانە «سمەرچ» الىپ رەاكتيۆتى دۇركىندەتىپ اتۋ جۇيەلەرى، جوعارعى قۋاتى 240-ميلليمەترلىك وزدىگىنەن جۇرەتىن «تيۋلپان» مينومەتتەرى بار. زىمىراندار قۇرامىندا «توچكا- ۋ» جوعارى دالدىكتى كەشەندەرى، تانكىگە قارسى ارتيللەريا – م ت-12 زەڭبىرەكتەرى جانە تانكىگە قارسى قولداناتىن «شتۋرم- س» زىمىران كەشەندەرى بار. بارلىق وسى قارۋ- جاراق كەزكەلگەن ۇرىس تۇرلەرىندە جاۋ وعىنىڭ زاقىمدانۋىنان قورعايتىن نەگىزگى جانە ەڭ ءتيىمدى قۇرالى بولىپ تابىلادى. سونداي- اق، قازىر اتىستى باسقارۋدىڭ اۆتوماتتاندىرىلعان جۇيەسىن ەنگىزۋ بويىنشا بەلسەندى جۇمىس جۇرگىزىلۋدە.

زىمىران اسكەرلەرى مەن ارتيللەريانىڭ جەكە قۇرامى قازاقستاندىق جانە حالىقارالىق وقۋ- جاتتىعۋلارعا بەلسەندى قاتىسىپ، جوعارى دەڭگەيدە جاۋىنگەرلىك، دەنە دايارلىقتارى بار ەكەنىن كورسەتۋدە. 2019 -جىلى اسكەري قىزمەتشىلەر «ايبالتا-2019» مەن ر ف ق ك زىمىران بولىمشەلەرىمەن بىرلەسكەن تاكتيكالىق وقۋ- جاتتىعۋى كەزىندە مول تاجىريبە جينادى.

اتالمىش اسكەرگە، وفيتسەرلىك كادرلاردى قۇرلىق اسكەرلەرى اسكەري ينستيتۋتى مەن ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتى دايىندايدى. قۇرلىق اسكەرلەرى اسكەري ينستيتۋتىنىڭ ارتيللەريا كافەدراسى جىل سايىن 60-قا جۋىق ارتيللەريست- وفيتسەردى وقىتادى. قازاقستاندىق كۋرسانتتار سانكت- پەتەربۋرگ قالاسىنداعى ميحايلوۆ اسكەري ارتيللەريالىق اكادەميادا دا ءبىلىم الۋدا. سونىمەن قاتار، جىل سايىن ارتيللەريست- وفيتسەرلەر قاتارىن قاراعاندى جانە الماتى پوليتەحنيكالىق ۋنيۆەرسيتەتتەرىنىڭ اسكەري كافەدرالار تۇلەكتەرى تولىقتىرادى.

2020 وقۋ جىلىندا زىمىران اسكەرلەرى مەن ارتيللەريانىڭ الدىندا جاۋىنگەرلىك ازىرلىكتى ارتتىرۋ، جاۋىنگەرلىك جانە جەدەل دايىندىقتى جەتىلدىرۋ بويىنشا جاۋاپتى مىندەتتەر تۇر.

سوڭعى جاڭالىقتار