+7 (701) 759 90 19
-20 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ورحيدەيا گۇلى تۋرالى اڭىزدار

20 قاراشا 05:44
:ءبولىسۋ
ورحيدەيا گۇلى تۋرالى اڭىزدار

نۇر- سۇلتان.قازاقپارات - بۇل ادەمى ءارى جۇمباق گۇل جايلى اڭىزداردىڭ كوپتىگىنە تاڭعالماي- اق قويۋعا بولادى.

ورحيدەيا گۇلى جايلى اڭىزدار - بىرەۋلەردىڭ بولجامى. ءبىراق ادامزات كەرەمەتتىڭ بارلىعىن اڭىزدارمەن قورشاعان.

ورحيدەيانىڭ پايدا بولۋى تۋرالى اڭىز


ورحيدەيا گۇلىنىڭ ادەمىلىگىنە تاڭدانعان ماوري تايپالارى ونىڭ پايدا بولۋى تىلسىم كۇشپەن بايلانىستى ەكەنىنە سەنگەن. جەردىڭ جالعىز مەكەندەۋشىلەرى ولمەس ارۋاقتار بولعان ۋاقىتتا عالامشاردان تەك تاۋ شىڭدارى كورىنىپ تۇراتىن. تاۋ شىڭىنداعى قار كۇننىڭ اسەرىنەن ەرىپ، ادەمى سارقىرامالار پايدا بولادى. ولار تەڭىزدەر مەن مۇحيتتارعا قۇيىلاتىن. سودان سوڭ سۋدىڭ بۋعا اينالۋىنان بۇلتتار تۇزىلەدى. بۇل بۇلتتار كۇننىڭ جەرگە ساۋلەسىن شاشۋعا كەدەرگى كەلتىرىپ، قابات تۇزەدى. بىركۇنى قاتتى نوسەر قۇيادى. ونىڭ ماقساتى كۇنگە بۇلتتاردى تەسىپ وتۋگە كومەكتەسۋ بولاتىن. جاڭبىردان سوڭ ۇلكەن ادەمى كەمپىرقوساق پايدا بولادى. مۇنداي ەرەكشە قۇبىلىسقا تاڭعالعان ارۋاقتار ءتۇرلى ءتۇستى كوپىردەن ورىن الۋعا تىرىسىپ، ءبىر- ءبىرىن يتەرىپ، ءبارى ءتىزىلىپ وتىرادى جانە ءان سالادى. كەمپىرقوساق مۇنداي ۇلكەن سالماقتى ۇزاق كوتەرە الماي، قيسايىپ، سىنىپ كەتەدى. سول ساتتە جەرگە ءتۇرلى ءتۇستى ۇشقىنداردان تۇراتىن جاڭبىر ساۋلاپ اعادى. وسىنداي كورسە كوز تويمايتىن عاجايىپ قۇبىلىستىڭ سوڭى ادەمى گۇلدەرگە اينالادى. وسىلايشا، ورحيدەيا تۇقىمداستارى پايدا بولىپ، كوبەيە باستايدى.

اق ورحيدەيا تۋرالى اڭىز


ەرتەدە جۋان ەسىمدى جاس جىگىتكە پاتشادان بۇيرىق كەلەدى. ول سارايدى بەزەندىرۋگە وڭتۇستىك امەريكا ورماندارىن شارلاپ، ورحيدەيانىڭ اسا كوركەم ەكزوتيكالىق ءتۇرىن تاۋىپ اكەلۋگە مىندەتتى بولادى. وسىلايشا جۋان ۇزاق ءارى قاۋىپتى ساپارعا اتتانادى. ارادا ءبىراز ۋاقىت وتكەندە ابدەن شارشاپ- شالدىققان جىگىت ءبىر اۋىلعا جەتىپ جىعىلادى. اۋىل تۇرعىندارى ونى كىشكەنتاي شىركەۋگە پانالاتىپ، قولدارىنان كەلگەنشە قامقورلىق جاسايدى. جۋان ويانعاندا شىركەۋ توبەسىندەگى كرەستتە ءوسىپ تۇرعان اق ورحيدەيانى كورىپ تاڭعالادى. ول ءپىراداردان گۇلدى بۇعان بەرۋىن وتىنەدى. ءبىراق دەگەنىنە جەتە المايدى. ءپىرادار بولسا جاس جىگىت ءوتىنىشىن نە سەبەپتى ورىنداي المايتىنىن بىلاي تۇسىندىرەدى: قۋاڭشىلىق كەزىندە اۋىل تۇرعىندارى تاڭىرگە دەگەن سەنىمىن جوعالتا باستايدى. ءدىن قىزمەتشىسى تۇرعىنداردىڭ پۇتقا تابىنۋشىلىعىن قايتارۋ ءۇشىن ولار حرامعا ەڭ قۇندى زاتىن الىپ كەلسە، جاڭبىر جاۋاتىنىن ايتادى. اۋىل ادامدارى پۇتقا تابىنۋشىلار التارىنەن الىنعان كەرەمەت ورحيدەيا الىپ كەلىپ، شىركەۋ كرەستىنە بەكىتىپ قويادى. سودان كەيىن بىردەن جاڭبىر جاۋادى. جاۋىن توقتاعان كەزدە اۋىل تۇرعىندارى ورحيدەيا كۇلتەسىندەگى بارلىق بوياۋدى جاڭبىر جۋىپ تاستاعىنىن جانە ونىڭ ەندى اپپاق گۇلگە اينالعانىن بايقاعان.

ورمەكشى- ورحيدەيانىڭ پايدا بولۋى جايلى اڭىز


ورحيدەيالاردىڭ ەرەكشەلىگى سونشالىق قازىردىڭ وزىندە ولاردىڭ كەيبىرىنەن ايداھاردىڭ نەمەسە باسقا دا فانتاستيكالىق جاراتىلىستاردىڭ بەينەسىن بايقاۋعا بولادى. كەي تروپيكالىق ورحيدەيا گۇلدەرى ورمەكشىلەرگە ۇقسايدى. وعان بايلانىستى مىناداي اڭىز بار: ليديادا تۇراتىن اراحنا ەسىمدى قاراپايىم قىز وتە شەبەر بولعان. يىرۋدەن جانە توقىماشىلىقتان وعان ەشكىم تەڭ كەلمەگەن. ونىڭ شەبەرلىگىنەن قۇدايلار دا اسا المايتىندىعىن ايتىپ، تاكاپپار اراحنا افينانى سايىسقا شاقىرادى. قۇداي- ايەل افينا توقىعان كىلەم كەرەمەت شىعادى. ءبىراق اراحنا دا باسەكەلەستىكتەن قورىققان جوق. ول ءوز كىلەمىنە زيەۆس ۇناتاتىن بەينەلەر سالادى. اشۋلانعان افينا قىزدى شاپالاقپەن تارتىپ جىبەرىپ، ونىڭ تەكەمەتىنىڭ پارشا- پارشاسىن شىعارادى. اراحنا قايعىدان اسىلىپ ولەدى. افينا ءوز كىناسىن سەزىنىپ، وعان جاڭا ءومىر سىيلايدى: ول اراحنانى ورمەكشىگە اينالدىرادى. بارلىق ورمەكشىلەر «اناسىنىڭ» اڭىزدىق بەينەسىن ورحيدەيا گۇلدەرىنەن كورۋگە بولادى دەگەن اڭىز تاراعان. مىسالى: اۋە گۇلى اراحنيس (Arachnis flos-aeris) جانە ورمەكشى ءتارىزدى اەرانتەس (Aeranthes arachnithes) .

«اۋە قىزىنىڭ» پايدا بولۋى تۋرالى اڭىز

بۇل وسىمدىككە مۇنداي ادەمى اتاۋدى امازونكا ۇندىستەرى بەرگەن. ولاردىڭ سەنىمى بويىنشا، ءبىر كەزدەرى جەردە قۇدايلار ءومىر سۇرگەن. ولاردىڭ اراسىنان ورحيدەيا ەسىمدى قۇداي- ايەل ءوزىنىڭ ادەمىلىگىمەن ەرەكشەلەنگەن. ادالدىق پەن قۋانىش قۇدايى ايەلىنەن تۋعان ورحيدەيا جەردەن تەك نازىكتىك كورگەن. كەي قۇدايلار ونىڭ جاماندىقتى كورە المايتىن قاسيەتىنە تاڭقالعان. ورحيدەياعا دانالىق جەتىسپەيدى دەپ ساناعان. بۇل قۇدايلار اراسىندا جانجال تۋدىرىپ، ولار ەكى توپقا بولىنەدى. وسىلايشا جاس ورحيدەيا ومىرىنە ءقاۋىپ تونەدى. بارلىق ونەردىڭ قامقورشىسى ارچي ەسىمدى قۇداي ورحيدەيانىڭ مەيىرىمدىلىگى تۋرالى ەستىپ، وعان عاشىق بولادى. ولار ءبىر- ءبىرىن كورمەسە دە، ورحيدەيا ءارچيدىڭ جۇرەگىن جاۋلاپ الادى. ءبىراق ولاردىڭ ءومىردى قابىلداۋى ءبىر- بىرىنە ۇقسامايتىن، سەبەبى ونەر كولەڭكەسىز بولۋى مۇمكىن ەمەس. ورحيدەيا جاراتىلىستىڭ بۇل قىرىنان حابارسىز بولعاندىقتان، ارچي شەبەرلىگىن جوعالتا باستايدى. ءارچيدىڭ سەزىمى تۋرالى ەستىگەن ورحيدەيا ونىمەن كەزدەسكىسى كەلەدى، ءبىراق ءوز ءومىرى تالقىعا ءتۇسىپ جاتقاندا بۇل مۇمكىن ەمەس ەدى. سول كەزدە ونەر قۇدايى قىزدى ۇرلاپ كەتىپ، سول ءۇشىن قاتاڭ جازالانادى. ارچي ەلدەن قۋىلادى. مۇنى ەستىگەن ورحيدەيا سۇيىكتىسىن ماڭگىلىك ىزدەۋ ءۇشىن كوزىن جۇمىپ، ورمان گۇلىنە اينالادى.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات