+7 (701) 759 90 19
-20 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ءبىر مىڭنان استام شەتەلدىك قازاقستان ازاماتتىعىن الۋعا نيەت ءبىلدىردى

19 قاراشا 18:11
:ءبولىسۋ
ءبىر مىڭنان استام شەتەلدىك قازاقستان ازاماتتىعىن الۋعا نيەت ءبىلدىردى

نۇر- سۇلتان. قازاقپارات - قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيانىڭ وتىرىسى ءوتتى، دەپ حابارلايدى قازاقپارات اقورداعا سىلتەمە جاساپ.

بۇگىن اقوردادا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەربايەۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيانىڭ وتىرىسى ءوتتى.

وتىرىستا قازاقستان ازاماتتىعىن الۋعا جانە ودان شىعۋعا نيەت بىلدىرگەن تۇلعالاردىڭ وتىنىشتەرى قارالدى.

كوميسسيا وتىرىسىنىڭ قورىتىندىسى بويىنشا مەملەكەت باسشىسىنىڭ قاراۋىنا ت م د ەلدەرى جانە الىس شەت ەلدەردەن كەلگەن 1084 ءتۇرلى ۇلت وكىلدەرىنىڭ ەلىمىزدىڭ ازاماتتىعىن قابىلداۋ تۋرالى ۇسىنىسى ەنگىزىلدى.

سونىمەن قاتار كوشى- قون ساياساتىنىڭ باسقا دا ماسەلەلەرى قارالىپ، ءتيىستى شەشىمدەر قابىلداندى.

الەمدە 16 ميلليوننان استام قازاق بار، سونىڭ ۇشتەن ءبىرى، شامامەن بەس ميلليونى شەت ەلدەردە ءومىر سۇرەدى. قازاق ەلى تاۋەلسىزدىك العاننان كەيىن، 28 جىلدىڭ ىشىندە ەلىمىزگە 1 ميليوننان استام قازاق كوشىپ كەلدى. دۇنيەءجۇزى قازاقتارى قاۋىمداستىعىنىڭ دەرەگىنە سۇيەنسەك، بيىلعى جىلدىڭ وزىندە 10700-دەن استام ەتنيكالىق قازاق، ەلگە ورالدى. ولاردىڭ 48,5 پايىزى وزبەكستاننان، 36 پايىزى قىتايدان، 6,2 پايىزى موڭعوليادان، 5,4 پايىزى تۇرىكمەنستاننان، 1,1 پايىزى رەسەيدەن جانە 0,5 پايىزى يراننان كوشىپ كەلدى. قانداستاردىڭ باسىم بولىگى اقمولا، ماڭعىستاۋ، جامبىل وبلىستارىنا جانە نۇر- سۇلتان، شىمكەنت قالالارىنا قونىس تەپتى.


باستى سوزدەر: شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات