+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ديماش قۇدايبەرگەننىڭ جاپونيادا ءان سالعانىن «حابار» كورسەتەدى

19 قاراشا 17:34
:ءبولىسۋ
ديماش قۇدايبەرگەننىڭ جاپونيادا ءان سالعانىن «حابار» كورسەتەدى

نۇر- سۇلتان. قازاقپارات - ديماش قۇدايبەرگەن توكيودا وتەتىن ABU Song Festival فەستيۆالىنىڭ ارنايى شاقىرىلعان قوناعى رەتىندە ونەر كورسەتەدى.

كورەرمەندەر حالىقارالىق فەستيۆالدىڭ ەكسكليۋزيۆتىك ارنايى ت ۆ- نۇسقاسىن 22 - قاراشا كۇنى، كەشكى ساعات 21.40 تا «حابار» تەلەارناسىنان تاماشالاي الادى، دەپ حابارلايدى قازاقپارات.

بۇل ءارتيستىڭ جاپونيا ەلىندە العاش رەت ونەر كورسەتۋى بولادى.

فەستيۆال ۇيىمداستىرۋشىلارى قۇرامىنا «حابار» اگەنتتىگى كىرەتىن ازيا- تىنىق مۇحيتى حابار تاراتۋ وداعى.

تەلەفەستيۆال باسەكەلەستىك جارىس الاڭى ەمەس. بۇل ازيا- تىنىق مۇحيتى اۋماعىنا كىرەتىن مەملەكەتتەردىڭ ەڭ ۇزدىك دەپ تانىعان ارتىستەرىن ۇسىناتىن الاڭ.

«ديماش قۇدايبەرگەننىڭ اۋديتورياسى قىتاي، ازيا ەلدەرىندە وتە كوپ ەكەنىن ءبىز بىلەمىز. فەستيۆال «حابار» تەلەارناسى ەفيرىنەن كورەرمەنگە جول تارتاتىن بولادى. سونداي- اق، كورەيا، جاپونيا، يندونەزيا، اۆستراليا، تۇركيا سىندى مەملەكەتتەر دە قاتىسادى» ، - دەدى «حابار» تەلەارناسىنىڭ ديرەكتورى دينارا بيسەمبينا.

كەشە ديماش قۇدايبەرگەن Instagram پاراقشاسىندا NHK جاپون ۇلتتىق تەلەارناسىنا بەرگەن سۇحباتىمەن ءبولىستى. سۇحبات بارىسىندا ول قازاقستان ەلى، دومبىرا تۋرالى، ءوزىنىڭ شىعارماشىلىق جولى مەن ۇستازدارى جايىندا ءسوز قوزعاعان.

«قازاقستاندا تۋىپ، وسكەنىمدى ماقتان تۇتامىن. الەمنىڭ قاي بۇرىشىندا بولسام دا، قازاقتىڭ ۇلتتىق ونەرىمەن سۋسىنداپ، وتانىمنىڭ نامىسىن، جىگەرىن بويىما سىڭىرگەنىمدى ماقتان تۇتامىن» ، - دەدى ديماش.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات