ا ق ش تۋرالى قىزىقتى دەرەكتەر
ا ق ش تۋىنىڭ ديزاينىن 1958 -جىلى 17 جاستاعى وقۋشى جاساعان. بۇل روبەرت حەفتىڭ ءۇي تاپسىرماسى بولعان ەكەن. ءبىر قىزىعى، ول ءوز جۇمىسى ءۇشىن 4 باعاسىن العان.
1956 -جىلى «In God We Trust» ( «ءبىز قۇدايعا سەنەمىز» ) ا ق ش- تىڭ رەسمي ۇرانىنا اينالدى. بولجام بويىنشا، ول ازاماتتىق سوعىس جىلدارى پايدا بولعان. ەندىگى ول امەريكالىق بانكنوتالاردىڭ بارىنەن كورىنىس تاپتى.
بوستاندىق ەسكەرتكىشىنىڭ تاجىندەگى جەتى ساۋلە 7 قۇرلىقتى اڭعارتادى. ولاردىڭ ءارقايسىسىنىڭ ۇزىندىعى - 2,75 مەتر، ال سالماعى - 68,5 كەلى.
ەگەر قالتاڭىزدا 10 دوللار بولسا جانە ەشقانداي قارىزىڭىز بولماسا، دەمەك ءسىز امەريكالىقتاردىڭ 25 پايىزىنان بايسىز. ال ا ق ش- تىڭ سىرتقى قارىزى 23 تريلليون دوللارعا جەتكەن.
ا ق ش- تا بالالاردىڭ شامامەن 40 پايىزى نەكەسىز تۋىلادى. بۇل ەڭ الدىمەن مەملەكەتتە ازاماتتىق نەكەدە تۇراتىن جۇپتاردىڭ سانى نەكە قيعانداردان از بولۋىمەن بايلانىستى. ءبىر قىزىعى، ءاربىر سەگىزىنشى ەرلى- زايىپتى ينتەرنەت ارقىلى تانىسقان.
امەريكالىقتاردىڭ 74 پايىزى قۇدايعا سەنەتىنىنە قاراماستان، ستاتيستيكا بويىنشا، 42 پايىزى ەلەستىڭ، 26 پايىزى مىستاننىڭ بارىنا، ال 24 پايىزى رەينكارناتسياعا سەنەدى. سونىمەن قاتار ا ق ش عىلىمي جۇمىستار سانى بويىنشا كوش باستاپ تۇر. ولاردىڭ 30 پايىزى بۇكىل الەمدە باسىلادى.
ا ق ش- تا ءتورت بۇرىشتى بىلدىرەتىن ەرەكشە ەسكەرتكىش (Four Corners Monument ) بار. بۇل ەسكەرتكىش اقش- تىڭ اريزونا، نيۋ- مەكسيكو، يۋتا جانە كولورادو سياقتى ءتورت شتاتى توعىسقان جالعىز نۇكتە بولىپ تابىلادى. بەتوندالعان الاڭقاي رەتىندەگى العاشقى ماركەر 1912 -جىلى ورناتىلعان. ارتىنشا 1931 -جىلى قولا ديسك جاسالىپ، 1992 -جىلى ءتورت بۇرىش ەسكەرتكىشى جاسالدى.
ا ق ش- تا رەسمي مەملەكەتتىك ءتىل جوق. اعىلشىن ءتىلىن زاڭ تۇرعىسىندا مەملەكەتتىك ءتىل رەتىندە بەكىتۋ تۋرالى بىرنەشە رەت ۇسىنىلعان. سەبەبى ول امەريكالىقتاردىڭ 80 پايىزىنىڭ انا ءتىلى بولىپ تابىلادى. الايدا فەدەرالدىق دەڭگەيدە مۇنداي شەشىم سول كۇيى قابىلدانبادى.
1776-1967 -جىلدار ارالىعىندا ا ق ش- تا ءتۇرلى ءناسىل اراسىنداعى نەكەگە تىيىم سالىنعان.
ا ق ش- تا قىزىقتى زاڭدار كوپ. مىسالى، وگايو شتاتىندا جەكسەنبى كۇندەرى جۇگەرى قاۋىزىن ساتىپ الۋعا تىيىم سالىنعان. جاڭا ورلەاندا ءورت ءسوندىرۋ گيدرانتتارىنا قولتىراۋىندى بايلاۋعا تىيىم سالىنعان ەكەن. ال الابامادا بالمۇزداقتى قالتاعا سالۋعا بولمايدى. اريزونادا ەگەر ەسەكتى ۆانناعا جاتقىزساڭىز، ايىپپۇل سالىنادى.
ا ق ش اسكەريلەرىنە مەملەكەتتىڭ قىتايدا جاسالعان تۋىن پايدالانۋعا تىيىم سالىنعان.
ا ق ش- تىڭ اركانزاس، مەريلەند، ميسسيسيپي، سولتۇستىك كارولينا، وڭتۇستىك كارولينا، تەننەسسي جانە تەحاس سياقتى 7 شتاتىندا اتەيستەر مەملەكەتتىك قىزمەتتى اتقارا المايدى. وعان كونستيتۋتسيامەن تىيىم سالىنعان.
دوللار كۋپيۋرالارىنىڭ 90 پايىزىندا كوكايننىڭ ءىزى بار. ولاردىڭ ءبىر بولىگى كوكايندى يىسكەۋ ءۇشىن، ال ءبىر بولىگى ەسىرتكى ساتۋ بويىنشا كەلىسىمدەر بارىسىندا پايدالانىلعان.
امەريكادا ەسىمى مەن تەگى تولىقتاي سايكەس كەلەتىن 4746 ادام تۇرادى. ادەتتە بۇل - توماس توماس (Thomas Thomas).
ا ق ش- تىڭ ايەلىمەن اجىراسقاننان كەيىن سايلانعان جالعىز پرەزيدەنتى - رونالد رەيگان. دەسە دە ا ق ش- تا ساعات سايىن شامامەن 100 ەرلى- زايىپتى اجىراسادى.