ەت جەمەيتىن اتا- انا ءبىر جاسار بالاسىن اشتان ءولتىردى

نۇر-سۇلتان.قازاقپارات – ا ق ش- تىڭ فلوريدا شتاتىندا ءبىر جارىم جاستاعى ۇلىن اشتان ولتىرگەن ۆەگان اتا- انالار قاماۋعا الىندى.

2019 -جىلدىڭ قىركۇيەك ايىنىڭ سوڭىندا 35 جاستاعى شەيلا ولير جەدەل جاردەم قىزمەتىنە قوڭىراۋ شالىپ، بالاسىنىڭ تىنىس الماعانىن جانە تەرىسى قاتتى سۋىق بولعانىن ايتتى. بۇل كەزدە ونىڭ كۇيەۋى رايان بالاسىن قايتا تىرىلتۋگە تىرىسقان. وقيعا ورنىنا جەتكەن قۇتقارۋشىلار بالانىڭ ولگەنىن انىقتادى.

شەيلا قۇتقارۋشىلارعا ولاردىڭ وتباسى ۆەگەتارياندىق ديەتانى ۇستاناتىنىن جانە بارلىق ءتورت بالا تەك شيكى كوكونىستەر مەن جەمىستەردى، مانگو، رامبۋتان، بانان جانە اۆوكادو جەيتىندىگىن ايتتى. ول وتكەن اپتادا كەنجە بالاسى تاماقتانۋدان باس تارتىپ، تەك ومىراۋ ءسۇتىن ىشكەنىن مويىندادى.

بالانىڭ سالماعى نەبارى 7,7 كەلىنى قۇرادى. بۇل جەتى ايلىق ءسابيدىڭ ورتاشا سالماعى.

6 - قاراشادا مەديتسينالىق ساراپتاما بالانىڭ اشتىق سالدارىنان قايتىس بولعانىن انىقتادى. وسىدان كەيىن بىردەن پوليسيا بولىمشەسىنە اتا- انالاردىڭ ءوزى كەلدى. باسقا ەكى بالادان دا اشتىقتىڭ بەلگىلەرىن تاپتى، ولاردىڭ بىرەۋىندە بىرنەشە تىستەرى جوق بولدى. باسقا اكەدەن تۋعان ءۇشىنشى بالاسى ەڭ ساۋ بولىپ شىقتى، ويتكەنى ول اكەسىنە بارىپ، تاماقتانىپ جۇرگەن.

اتا- اناسىنا بالاعا قاتىستى مىندەتتەمەلەردى ورىنداماعانى ءۇشىن ايىپ تاعىلعان. ەرلى- زايىپتىلار قاماۋعا الىندى، سوت جەلتوقسان ايىنىڭ باسىندا جوسپارلانعان.