+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

الماتى وبلىسىنىڭ اكىمى مانزوروۆ ىسىنە پىكىر ءبىلدىردى

19 قاراشا 17:53
:ءبولىسۋ
الماتى وبلىسىنىڭ اكىمى مانزوروۆ ىسىنە پىكىر ءبىلدىردى

نۇر- سۇلتان. قازاقپارات - الماتى وبلىسىنىڭ اكىمى اماندىق باتالوۆ ءوز ورىنباسارى باعدات مانزوروۆ ىسىنە پىكىر ءبىلدىردى، دەپ حابارلايدى قازاقپارات ءتىلشىسى.

«وقيعا بولعاندا ول (باعدات مانزوروۆ - رەد. ) ماعان كەلىپ، الماتىداعى بۇرىنعى جۇمىسى بويىنشا ەكەنىن ءتۇسىندىردى. جاعدايىن ايتىپ، تولەمسىز ەڭبەك دەمالىسىن سۇرادى. مەن جىبەردىم. نە بولىپ، نە قويعانىن تەرگەۋ ورگاندارى انىقتاي جاتار. ءبىراق، مەن ونى جەكە ادام رەتىندە باياعىدان بىلەمىن. ول كوكسۋ اۋدانىنىڭ اكىمى بولىپ جۇمىس ىستەدى. كەيىن ماعان كەلدى. ەكى اي عانا جۇمىس ىستەدى. بۇل ارالىقتا وعان بىرنەشە تاپسىرما بەردىم. بارلىعىن ورىندادى. مەن وعان «ارىز جاز، جۇمىستان شىق نەمەسە ماسەلەڭدى تەز ارادا شەش» دەپ ايتا المايمىن عوي. ادامي تۇرعىدا قاراۋ كەرەك. كەز كەلگەن ادام مۇنداي جاعدايعا تاپ بولۋى مۇمكىن»، - دەپ جاۋاپ بەردى ا. باتالوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا جۋرناليستەر سۇراعىنا.

ونىڭ ايتۋىنشا، اكىم ورىنباسارىنىڭ ىسىمەن تەرگەۋ ورگاندارى اينالىسادى.

«ەگەر كىنالى بولسا، جاۋاپ بەرەدى، كىناسى بولماسا - جۇمىسىن ءارى قاراي جالعاستىرادى»، - دەدى اماندىق باتالوۆ.

ەسكە سالساق، الماتى وبلىسى اكىمىنىڭ ورىنباسارى باعدات مانزوروۆ ۇستالعانى تۋرالى بۇعان دەيىن حابارلاعان بولاتىنبىز. ق ر سىبايلاس جەمقورلىققا قارسى ءىس- قيمىل اگەنتتىگى وعان ق ر قىلمىستىق كودەكسىنىڭ 190-بابى، 2-بولىگى، 2-تارماعى («لاۋازىمىن پايدالانۋ ارقىلى اسا ءىرى كولەمدەگى الاياقتىق» ) بويىنشا ايىپ تاقتى.

كەيىن باس پروكۋراتۋرا باعدات مانزوروۆقا قاتىستى قىلمىستىق ءىس توقتاتىلعانىن رەسمي تۇردە مالىمدەدى. كوپ ۇزاماي شەنەۋنىك ءوز قىزمەتىنە قايتا كىرىستى.

ءوز كەزەگىندە اگەنتتىك باس پروكۋراتۋرانىڭ بۇل شەشىمىنە نارازىلىق تانىتتى.

اۆتور ايجان سەرىكجان قىزى


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات