+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قازاقستان پوليسياسى قوعامدا ءتارتىپتى ساقتاۋ ءۇشىن ىسكە ەرىكتىلەردى تارتقالى وتىر

19 قاراشا 16:06
:ءبولىسۋ
قازاقستان پوليسياسى قوعامدا ءتارتىپتى ساقتاۋ ءۇشىن ىسكە ەرىكتىلەردى تارتقالى وتىر

نۇر- سۇلتان. قازاقپارات - ىشكى ىستەر مينيسترلىگى قوعامدا ءتارتىپتى ساقتاپ، جوعالىپ كەتكەندەردى ىزدەۋ جۇمىسىنا ۆولونتەرلاردى تارتقالى وتىر، دەپ حابارلايدى قازاقپارات ءتىلشىسى.

«قازاقستان رەسپۋبليكاسى پرەزيدەنتىنىڭ جارلىعىمەن 2020 جىل - «ۆولونتەرلار جىلى» بولىپ جاريالانعانى بەلگىلى. قازاقستاندىق پوليسيا حالىقتىڭ بەلسەندىلەرىن قوعامدىق ءتارتىپتى ساقتاۋ شارالارىنا، ونىڭ ىشىندە بىرلەسىپ پاترۋل جۇرگىزۋ جانە ءىز- ءتۇزسىز جوعالعانداردى ىزدەۋ ءۇشىن ارنايى قۇقىقتىق توپتار قۇرۋ ارقىلى تارتۋدى جوسپارلاپ وتىر. پوليسيامەن بىرگە جۇمىس ىستەيتىن ەرىكتىلەر ارنايى كۇرتەشەلەرمەن، بايلانىس ءۇشىن راديوستانسالارمەن قامتىلادى» ، - دەپ حابارلايدى ءى ءى م- نەن.

قوعامدى، ونىڭ ىشىندە ەرىكتىلەر قوزعالىسىن قۇقىق قورعاۋ، ىزدەستىرۋ قىزمەتىنە تارتۋ جانە ۋچاسكەلىك پوليتسيا ينسپەكتورلارىنا قىلمىستىڭ الدىن الۋعا كومەكتەسۋ بويىنشا مينيستر ەرلان تۇرعىمبايەۆتىڭ باستاماسى بارلىق ايماقتا جۇزەگە اسىرىلماق. قازىرگى ۋاقىتتا مينيسترلىك جوعارى وقۋ ورىندارىمەن جانە جاستار ۇيىمدارىمەن كەلىسسوز جۇرگىزۋدە.

«28- قىسقى ۋنيۆەرسيادا-2017 كەزىندە (3 مىڭ ادام) ، سونداي- اق EXPO-2017 حالىقارالىق مامانداندىرىلعان كورمەسى (1500 ادام) وتكەن تۇستا ىشكى ىستەر ورگاندارى ەرىكتىلەرمەن ءوزارا ءىس- قيمىل جۇرگىزۋدىڭ وڭ تاجىريبەسىن جولعا قويعان ەدى. حالىقارالىق ءىس- شارالار وتكىزىلگەندە ەرىكتىلەر نىساندارعا تاراتىلعان بولاتىن. ۆولونتەرلار مەيماندارمەن جۇمىس جۇرگىزۋ داعدىسىن ۇيرەندى. اۋىسىم الدىندا ءارتۇرلى ومىرلىك جاعدايلار مەن زاڭسىز ارەكەتتەر كەزدەسكەندە كەزدەگى ارەكەت ەتۋ نۇسقاۋلىعى ۇيرەتىلگەن ەدى. پوليتسيا مەن ەرىكتىلەردىڭ بىرلەسكەن كۇش- جىگەرىنىڭ ارقاسىندا قىلمىستار مەن قۇقىقبۇزۋشىلىقتاردىڭ جولى كەسىلدى» ، - دەلىنگەن حابارلامادا.

مينيسترلىكتىڭ حابارلاۋىنشا، قازىردىڭ وزىندە ۆولونتەرلار جوعالعان بالالار مەن قارتتاردى ىزدەۋ، رەزونانستى قىلمىستاردى اشۋ ىسىنە بەلسەنە ارالاسىپ، ءارتۇرلى جاعدايدا كومەك قولىن سوزۋدا.

«ماسەلەن، جەرگىلىكتى ەرىكتىلەر پوليسياعا قاراعاندى وبلىسىنىڭ شەت اۋدانىندا قىركۇيەكتە ۇرلانعان بالانى تابۋعا كومەكتەستى. قوستاناي وبلىسىندا پوليسيا مەن ەرىكتىلەردىڭ بىرلەسكەن جۇمىسىنىڭ ارقاسىندا جوعالعان 20 دان استام ادام تابىلدى. ولاردىڭ اراسىندا بالالار مەن جاسوسپىرىمدەر دە بار. ۆولونتەرلار سونىمەن قاتار، ەسىرتكى سايتتارىنىڭ اتاۋلارى تۇرعان جازالاردى وشىرۋگە كومەكتەسىپ، ەسىرتكى قىلمىستارىمەن كۇرەستە ۇلەستەرىن قوسىپ كەلەدى» ، - دەپ حابارلايدى مينيسترلىكتەن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات