+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ۇلى بريتانيادا ۇلتتىق ناقىشتاعى ءسان ۇلگىلەرى كورسەتىلدى

19 قاراشا 15:46
:ءبولىسۋ
ۇلى بريتانيادا ۇلتتىق ناقىشتاعى ءسان ۇلگىلەرى كورسەتىلدى

لوندون. قازاقپارات - قازاقستاندىق جاس ديزاينەر كيىز بەن جىبەكتەن تىگىلگەن جەكە توپتاماسىن لوندوندىق كورەرمەن نازارىنا ۇسىندى، دەپ حابارلايدى قازاقپارات ءتىلشىسى.

«Silk road fashion show» ءسان كورسەتىلىمىنە قاتىسقان ديزاينەر ەلۆيرا قاجىتايەۆا ۇلتتىق ناقىشتا تىگىلگەن كيىم ۇلگىلەرىن بۇكىل الەمگە پاش ەتىپ ءجۇر.


شەبەردىڭ ايتۋىنشا، شيكىزات تۇرىندە كيىز بەن ءجۇندى تاڭداۋ سەبەبى ولار تابيعي تازا ءونىم، ءارى وتە جەڭىل، ياعني ىستىق تا بولمايدى، سۋىق تا بولمايدى. ءبىرقالىپتى تەمپەراتۋرانى ۇستاپ وتىرادى.


«سوڭعى ۋاقىتتا ەۋروپادا ەكولوگيالىق تازا ونىمدەر ۇلكەن سۇرانىسقا يە. بۇعان قوسا پالتو نەمەسە كويلەك بولسىن قايتالانبايدى، تەك جالعىز دانامەن تىگىلگەن»، - دەيدى ەلۆيرا قاجىتايەۆا.


كەش قوناقتارىنىڭ ءبىرى ماكسين گريففيتستىڭ پىكىرىنشە، قازاقستاندىق ديزاينەر وتە تاماشا كيىم ۇلگىلەرىن كورسەتكەن.

«ءبىز شىنىمەن دە ۇلتتىق ويۋ- ورنەكپەن ارلەنگەن، ءارتۇرلى ستيل مەن تۇستەگى كيىمدەرگە ءتانتى بولدىق»، - دەيدى لوندوندىق كورەرمەن.


Silk road fashion show-عا قازاقستاننان بولەك يتاليا، فرانسيا، رەسەي، بولگاريا، تايۆان جانە ۇلى بريتانيادان كەلگەن وكىلدەر دە قاتىستى. «الداعى ۋاقىتتا جىبەك جولى ەلدەرى تۋرالى اقپاراتتى ءسان ارقىلى ناسيحاتتاعىمىز كەلەدى. ويتكەنى ءسان - ادامداردىڭ مادەنيەتىنىڭ ايناسى»، دەيدى شارا ۇيىمداستىرۋشىسى الما فارمەر.


كەشتە ءسان ۇلگىلەرىن كورسەتۋشىلەردىڭ ءبىرى ءارى «Silk road fashion show» - نىڭ بەتكە ۇستارى، قازاقستاندىق ميلەنا تاجينا جوبانى ناسيحاتتاپ، بارىنشا قولداۋ بىلدىرگەنى ءۇشىن ارنايى ءتاج كيدى.


ايتا كەتسەك، ەلۆيرا قاجىتايەۆا «بيزنەستىڭ جول كارتاسى - 2020» باعدارلاماسى تىگىن ماشينالار مەن قۇرال- جابدىقتار ساتىپ الىپ، كاسىبىن دوڭگەلەتكەن جاس كاسىپكەر. ول بولاشاقتا ەۋروپا بويىنشا شوۋرۋمدار اشىپ، قازاقستاندىق ءسان مەكتەبىن تانىمال ەتۋدى جوسپارلاپ وتىر.

اۆتور عالىمجان قارامان ۇلى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات