رەسەيدىڭ استراحان وبلىسىندا ەكى قازاق ءتىلى كابينەتى اشىلدى

None
None
استراحان. قازاقپارات - «وتانداستار» قورى رەسەي فەدەراتسياسى استراحان وبلىسىنىڭ ەكى اۋدانىندا قازاق ءتىلىن وقىتاتىن كابينەتتەر اشتى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

«نيكيتا ىسقاقوۆ اتىنداعى سەميبۋگورەن ورتا مەكتەبى» مۋنيتسيپالدى قازىنالىق جالپى ءبىلىم بەرۋ مەكەمەسى قازاق تىلىنە ارناپ جەكە كابينەت ءبولدى. ول كابينەتتە قازاقتىڭ ۇلتتىق مادەنيەتى، ونەرى، ادەبيەتى، تۇرمىستىق بۇيىمدارىمەن تانىسۋعا بولادى. قور وكىلى ءسابي تۇيتەبەكوۆ اتالعان كابينەتكە قازاقستاننان ارنايى اكەلىنگەن سىيلىق- «قاستەرلى قالام» كىتابىن سىيلادى. كابينەت وتانداستار قورىنان تەلەديدار، ۆيدەوكامەرا، نوۋتبۋك ءتارىزدى قۇندى سىيلىقتار جەتكىزىلگەننەن سوڭ اشىلادى. مەكتەپ ديرەكتورى ريمما يبراگيموۆا قازاقستاننان ارنايى كەلگەن قوناقتى ىستىق ىقىلاسپەن قارسى الىپ، قانداستارعا قامقورلىعى ءۇشىن قور مەن دۇنيەجۇزى قازاقتارى قاۋىمداستىعىنا العىس ايتتى»، - دەلىنگەن باسپا ءسوز بايانىندا.

وسىنداي ەكىنشى كابينەت ۆولودار اۋدانى كالينين اۋىلىندا اشىلادى. اكادەميك ەرەجەپ مامبەتقازيەۆ اتىنداعى كالينين ورتا مەكتەبىنىڭ ديرەكتورى ارمان نۇرلييەۆتىڭ ايتۋىنشا قازاق ءتىلى كابينەتى قور سىيلاعان ەڭ زاماناۋي جابدىقتارمەن جابدىقتالادى.

ايتا كەتەيىك، استراحان وبلىسىندا رەسمي دەرەك بويىنشا 160 مىڭ ەتنيكالىق قازاقتىڭ باسىم بولىگى اۋىلدىق جەرلەردە تۇرادى. ماسەلەن، كالينين اۋىلى تۇرعىندارىنىڭ 99,9 پايىزى قازاق. ولار ۇلتتىق سالت- ءداستۇردى ساقتاۋ ءۇشىن بارلىق مۇمكىندىكتى پايدالانۋدا. قوردىڭ اۋىل مەكتەبىندە قازاق ءتىلى كابينەتىن اشۋى شەت ەلدەگى قانداستارىمىزدى تاريحي وتانىمەن بۇرىنعىدان دا جاقىنداستىرا تۇسپەك.

ەسكە سالساق، بۇعان دەيىن رەسەيدىڭ تۇمەن وبلىسىندا قازاق سىنىبى اشىلعاندىعى تۋرالى حابارلاعان بولاتىنبىز.

اۆتور: قانات مامەتقازى ۇلى

سوڭعى جاڭالىقتار