+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ۆيتسە-مينيستر سپورت مەكتەبىندەگى باپكەرلەر قانشا جالاقى الاتىنىن ايتتى

19 قاراشا 14:30
:ءبولىسۋ
ۆيتسە-مينيستر سپورت مەكتەبىندەگى باپكەرلەر قانشا جالاقى الاتىنىن ايتتى

نۇر-سۇلتان. قازاقپارات – ق ر پارلامەنتى سەناتىندا بالالار مەن جاسوسپىرىمدەر سپورتتىق مەكتەبىندەگى باپكەرلەردىڭ تومەن جالاقىسى ماسەلەسى كوتەرىلدى، دەپ حابارلايدى قازاقپارات ءتىلشىسى.

«مەكتەپ وقۋشىلارى سپورتتىق ۇيىرمەلەرگە بارۋى ءۇشىن ابونەمەنتتەرگە ءبىلىم جانە عىلىم مينيسترلىگىنەن قاراجات ءبولۋ جوسپارلانۋدا. بۇل ارقىلى ەلىمىزدە تەگىن ۇيىرمەلەردىڭ جوق ەكەنىن مەملەكەتتىڭ ءوزى راستاپ وتىرعان سەكىلدى. ال بعم ەسەپتەرىنەن تەگىن ۇيىرمەلەردىڭ بار ەكەنىن وقيمىز. ەكىنشىدەن، بۇل اتاۋلى الەۋمەتتىك كومەك سەكىلدى دۇرلىگۋ تۋعىزباي ما؟ كىمگە، نە ءۇشىن، قاي ساناتقا، قانشا بەرۋىمىز كەرەك دەگەن سۇراقتار تۋىندايدى»، - دەپ سۇرادى سەنات دەپۋتاتى سەرىك بەكتۇرعانوۆ الەۋمەتتىك- مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا.

مەكتەپ وقۋشىلارىنىڭ سپورتتىق ابونەمەنتتەرى بويىنشا ق ر مادەنيەت جانە سپورت ۆيتسە- ءمينيسترى ەلدوس رامازانوۆ ءبىلىم جانە عىلىم مينيسترلىگىمەن تىعىز جۇمىس ىستەپ جاتقاندارىن جەتكىزدى.

«ازىرگە بەردىبەك ساپاربايەۆتىڭ (ق ر پرەمەر- ءمينيسترىنىڭ ورىنباسارى - رەد. ) تاپسىرماسىمەن سپورتتىق زالداردىڭ، سپورتتىق ينفراقۇرىلىمنىڭ قولجەتىمدىلىگى جونىندە ءبىلىم جانە عىلىم مينيسترلىگىمەن كەلىسىم بەكىتىلدى. مەكتەپ وقۋشىلارىنا ارنالعان ابونەمەنتتەر بويىنشا، وڭىرلەردى ارالاپ ءجۇرمىز. ۇيىرمەلىك ساباق ءۇشىن دەنە تاربيەسى ءپانىنىڭ مۇعالىمىنە قوسىمشا اقى تولەۋ ماسەلەسى بار. بۇرىن بازالىق قىزمەتتىك جالاقىنىڭ %45 تولەنەتىن. ءقازىر بۇل قوسىمشا اقىنى الىپ تاستادى جانە ءوز ىسىنە شىن بەرىلگەن مۇعالىمدەر عانا قالدى. سوندىقتان، بۇقارالىق سپورت تۋرالى زاڭ جوباسىندا وسى ماسەلەنى كوتەرگىمىز كەلەدى»، - دەپ جاۋاپ بەردى ە. رامازانوۆ.

سونىمەن بىرگە، ۆيتسە-مينيستر بالالار مەن جاسوسپىرىمدەر سپورتتىق مەكتەبىندەگى باپكەرلەردىڭ قانشا جالاقى الاتىنىن ايتتى.

«بالالار مەن جاسوسپىرىمدەر سپورتتىق مەكتەبىندەگى باپكەرلەر شامامەن 40 مىڭ تەڭگە ەڭبەكاقى الادى. ەگەر جالاقىنى كوتەرۋ امالدارىن ويلاستىرماساق، الداعى ەكى جىلدا رەزەرۆ قالماي قالادى»، - دەدى ەلدوس رامازانوۆ.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات