+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقستان جاستارى «ءوز ەلىڭدى تانى» ەكسپەديتسياسىنا اتتاندى

19 قاراشا 14:00
:ءبولىسۋ
قازاقستان جاستارى «ءوز ەلىڭدى تانى» ەكسپەديتسياسىنا اتتاندى

نۇر-سۇلتان. قازاقپارات - 18-22 -قاراشا ارالىعىندا نۇر-سۇلتان قالاسى مەن اقمولا وبلىسىنىڭ كيەلى جەرلەرىن زەرتتەۋ ماقساتىندا «ءوز ەلىڭدى تانى» - «پوزناي سۆويۋ سترانۋ» اتتى رەسپۋبليكالىق جاستار ەكسپەديتسياسى وتۋدە، دەپ حابارلايدى قازاقپارات ءتىلشىسى.

ق ر اقپارات جانە قوعامدىق دامۋ مينيسترلىگى «رۋحاني جاڭعىرۋ» باعدارلاماسىن ىسكە اسىرۋ اياسىندا ەل حالقىنىڭ ورتاق قۇندىلىقتارىن شوعىرلاندىرۋعا باعىتتالعان «قازاق تانۋ» جوباسىن ىسكە اسىرۋدا.

«مەن جامبىل وبلىسى، تالاس اۋدانى، ويىق اۋىلىندا دۇنيەگە كەلدىم. بالا كەزىمدە اعاش ساتىنى جەرگە قويىپ، اۆتوبۋس سياقتى ەتىپ وينايتىنمىن. 1981 -جىلى شىققان الەمدىك كارتانى الىپ، تاڭعى ساعات 9:00-دەن كەشكى ساعات 19:00-گە دەيىن ۆلاديۆوستوكتان ماسكەۋگە دەيىن ويشا ساياحات جاساپ قايتاتىنمىن. اعاش ساتى - اۆتوبۋسقا تاڭەرتەڭ وتىرىپ، كارتادا الدىمنان كەزدەسكەن اۋىل- ايماقتارعا «بارىپ»، ەلدى مەكەن اتاۋلارىن جاتتاپ الاتىنمىن»، - دەدى بۇگىن ەكسپەديتسياعا ارنالىپ ەلورداداعى وقۋشىلار سارايىندا وتكەن شارا بارىسىندا بلوگەر وركەن كەنجەبەك.

«قازاق تانۋ» جوباسىنىڭ باستى ماقساتى - جاستاردى قازاق حالقىنىڭ قۇندىلىقتارىن، اسىرەسە تۇڭعيىق تاريحىن ناسيحاتتاۋعا، دارىپتەۋگە كەڭىنەن تارتۋ.

«شىنى كەرەك، ول كەزدە الەمدى ارالاپ شىعۋ مۇمكىن ەكەنى تۋرالى ويلامايتىنبىز. قولدان كەلگەنى سول - اعاش ساتىعا وتىرىپ الىپ، ويشا ساياحاتتاپ كەلۋ. مىنە، اللا بۇيىرتىپ، كەيىنگى 7 -جىلدا الەمنىڭ 37 مەملەكەتىندە بولدىم. ءبىر جارىم اپتا بۇرىن پورتۋگاليادا، ونىڭ الدىندا ۆەتنامعا ساپارلادىم. ەندى الداعى سەنبى كۇنى شري-لانكاعا بارامىن. ول مەن بارعان 38-مەملەكەت بولماق»، - دەيدى ول.

سونداي-اق، وركەن كەنجەبەك قوعامدا قالىپتاسىپ قالعان كوپتەگەن ستەوروتيپتەر تۋرالى ايتتى.

«نەگە ادام ساياحاتتاۋى كەرەك دەپ ويلايسىزدار؟ الدىمەن، ادام ءوزىنىڭ كىم ەكەنىن مويىنداۋى كەرەك. مەن جاي عانا اۋىلدان شىققان بالامىن. ءوزىمنىڭ نادان ەكەنىمدى مويىنداعان اداممىن. مەن - اقىماقپىن. مەنىڭ بۇل الەم تۋرالى ءبىلىمىم وتە از. ماعان كىتاپ تا، ينتەرنەت تە جەتكىلىكسىز. مەن ءۇشىن الەمدى تانۋدىڭ توتە جولى - ساياحات. الەمدى ارالاعاندا كوپتەگەن ستەرەوتيپتەردىڭ دۇرىس ەمەس ەكەندىگىنە كوزىم جەتتى. الەمدەگى بارلىق جاماندىق سول ەلدە شوعىرلانعان بولىپ كورىنەتىن - اۋعانستان مەن ءۇشىن - الەمدەگى ەڭ قوناقجاي ەل. سول سياقتى قازاقستاننىڭ ىشكى جاعدايى تۋرالى دا ايتۋعا بولادى. سىزدەر ءارتۇرلى ايماقتان كەلىپ وتىرسىزدار. بۇل - تاماشا باستاما»، - دەيدى ول.

ايتا كەتۋ كەرەك، ەكسپەديتسياعا قازاقستان حالقى اسسامبلەياسى جاستار قاناتتارىنىڭ، «جاڭعىرۋ جولى» ر ج ق- نىڭ مۇشەلەرى، ستۋدەنتتەر مەن جاس ماماندار، مونوقالالار مەن اۋىلدا تۇراتىن جاستار قاتىسادى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات