نۇر-سۇلتاندا ەكىنشى اۋىسىم وقۋشىلارىنا ساباق بولمايدى
«2019 -جىلدىڭ 19 -قاراشاسىندا اۋا رايىنىڭ كولايسىزدىعىنا بايلانىستى قالا مەكتەپتەرىنىڭ ەكىنشى اۋىسىمىنداعى 0-9 -سىنىپ وقۋشىلارى ءۇشىن ساباق بولمايدى»، - دەلىنگەن قالالىق ءبىلىم باسقارماسى تاراتقان حابارلامادا.
ەسكە سالا كەتەيىك، بۇگىن نۇر-سۇلتان قالاسىندا جەلدىڭ جىلدامدىعى 18 م/س دەيىن ارتاتىنى ەسكەرتىلگەن بولاتىن. وسى ۋاقىتتا تەمپەراتۋرا باعامى -13 گرادۋستى كورسەتىپ تۇر. سەزىلۋى -29 گرادۋس.
بۇعان دەيىن بۇگىن 0-4 -سىنىپ وقۋشىلارىنا ساباق توقتاتىلعان بولاتىن.
ايتا كەتەيىك، اۋا رايىنا بايلانىستى وقۋ پروتسەسىنىڭ توقتاتىلعانى جونىندە اقپاراتتى كەلەسى دەرەككوزدەردەن بىلۋگە بولادى: 1) نۇر-سۇلتان قالالىق توتەنشە جاعدايلار دەپارتامەنتىنىڭ SMS- حابارلاماسى؛ 2) iKOMEK109 قالالىق ورتالىعىنىڭ (109 نومىرىنە قوڭىراۋ سوعۋ، نەمەسە موبيلدى قوسىمشا مەن چاتتارىنا تىركەلىپ، حابارلاما الۋ) اقپاراتى؛ 3) قالالىق ءبىلىم باسقارماسىنىڭ رەسمي سايتى. 4) ءبىلىم باسقارماسىنىڭ Facebook-تەگى رەسمي پاراقشاسى. 5) نۇر-سۇلتان قالاسى اكىمدىگىنىڭ رەسمي سايتى. 6) Smart Astana قوسىمشاسى (موبيلدىك قوسىمشاسىنا تىركەلىپ، حابارلاما الۋ).
سونداي-اق ق ر ءى ءى م توتەنشە جاعدايلار كوميتەتى «Darmen» موبيلدىك قوسىمشاسىن ىسكە قوسقان بولاتىن. وندا ساباقتاردىڭ توقتاتىلعانى جونىندەگى حابارلاماردان بولەك، داۋىلدى گيدرومەتەورولوگيالىق قۇبىلىستار، سەيسميكالىق قاتەرلەر، قىسقى كەزەڭدە اۆتوموبيل جولدارىنىڭ جابىلۋى، رەسپۋبليكانىڭ بارلىق اۋماعىنداعى پروفيلاكتيكالىق جانە باسقا دا ءىس- شارالار تۋرالى اقپارات جەدەل تۇردە تاراتىلادى.
اۆتور: ايجان سەرىكجان قىزى