«حالىقتىڭ سۇيىكتىسى» ۇلتتىق سىيلىعىنىڭ جەڭىمپازدارى بەلگىلى بولدى
9- ماۋسىمداعى لاۋرەاتتارىنىڭ ءتىزىمى مىناداي:
«جىلدىڭ ۇزدىك مادەنيەت قايراتكەرى» - قازاق ءانشىسى، كومپوزيتور ديماش قۇدايبەرگەن؛
«جىلدىڭ ۇزدىك مۇعالىمى» - نۇر-سۇلتان قالاسىنداعى ەكونوميكالىق ليتسەيدىڭ پەداگوگى ەربول ارەنوۆ پەن باتىس قازاقستان مەملەكەتتىك ۋنيۆەرسيتەتىنىڭ پرورەكتورى تۇيمەش دارىشيەۆا؛
«جىلدىڭ ۇزدىك دارىگەرى» - ق ر پ ءى ب 1№ موا حيرۋرگيا بولىمشەسىنىڭ مەڭگەرۋشىسى، مەديتسينا عىلىمدارىنىڭ دوكتورى، پروفەسسور تالاپبەك اجەنوۆ؛
«جىلدىڭ ۇزدىك سپورتشىسى» - تانىمال قازاق دزيۋدوشى، ريو-دە جانەيرو-2016 وليمپيادا ويىندارىنىڭ كۇمىس جۇلدەگەرى ەلدوس سمەتوۆ؛
«جىلدىڭ ۇزدىك سپورتشى قىزى» - مانەرلەپ سىرعاناۋدان 2019- جىلعى الەم چەمپيوناتىنىڭ كۇمىس جۇلدەگەرى ەليزابەت تۇرسىنبايەۆا؛
«جىلدىڭ ۇزدىك پارلامەنتاريى» - ق ر پارلامەنتى ءماجىلىسىنىڭ دەپۋتاتى نۇرجان التايەۆ؛
«جىلدىڭ ۇزدىك تەلەجۇرگىزۋشىسى» - «ك ت ك» تەلەارناسىنىڭ «داۋ-دامايسىز» باعدارلاماسىنىڭ جۇرگىزۋشىسى، جۋرناليست گۇلميرا ءابىقاي؛
«جىلدىڭ ۇزدىك پۋبليتسيسى» - 30 كىتاپ اۆتورى، پۋبليتسيست باقىتقوجا رۇستەموۆ؛
«جىلدىڭ ۇزدىك اقپاراتتىق ينتەرنەت-باسىلىمى» - «Informburo.kz؛
«بلوگ سالاسىنىڭ كوشباسشىسى» - Facebook بلوگەرى سامات نۇرتازا؛
«جىلدىڭ ۇزدىك ترەۆەل- بلوگەرى» - بيزنەسمەن، نۇر-سۇلتان قالالىق ءماسليحاتىنىڭ دەپۋتاتى ميراس شەكەنوۆ؛
«جىلدىڭ ۇزدىك كاسىپكەرى» - «گورمولزاۆود» ج ش س- نىڭ باس ديرەكتورى اسەن جاقسالىقوۆ؛
«جىلدىڭ ۇزدىك الەۋمەتتىك بەلسەندىسى» - ەكولوگ شاساليم شاگاليموۆ؛
«جىلدىڭ ۇزدىك ۆاينەرى» - سەرعازى توقتاربەك (Seka Vines).
مۇنان بولەك، سىيلىق تورەشىلەرىنىڭ شەشىمىمەن «التىن ءداۋىر» ارنايى سىيلىعى تانىمال قازاق كومپوزيتورى، مەملەكەت قايراتكەرى تولەگەن مۇحامەدجانوۆ پەن سپورت كوميتەتىنىڭ بۇرىنعى ءتوراعاسى اناتولي قۇلنازاروۆقا بەرىلدى.
قازاقستاندىق «رەسپۋبليكا- ايماق-دامۋ» قوعامدىق قورى 2011-جىلى بەكىتكەن ۇلتتىق سىيلىق قوعامدا تانىمال ادامدار مەن ۇيىمدارعا بەرىلەدى. داۋىس بەرۋ ءۇش كەزەڭنەن تۇردى. العاشقىسى - الدىن الا كەزەڭ (ۇسىنۋ) بولسا، ءبىرىنشى كەزەڭ - Facebook جەلىسى ارقىلى جۇرگىزىلىپ، ال سوڭعى كەزەڭ سايتتىڭ رەسمي سايتىندا ءوتتى.
ەسكە سالا كەتسەك، «حالىقتىڭ سۇيىكتىسى-2018» جۇلدەسىنە يە بولعان جەڭىمپازدار بيىلعى قاڭتاردا ماراپاتتالعان بولاتىن. «جىلدىڭ ۇزدىك اقپاراتتىق ينتەرنەت- باسىلىمى» نوميناتسياسىن «قازاقپارات» حالىقارالىق اقپارات اگەنتتىگى جەڭىپ العان ەدى. ديماش قۇدايبەرگەن دە 2015-جىلى سىيلىق لاۋرەاتى اتانعان بولاتىن.