+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قازاقستاندا ايەلدەرگە ارنالعان يپوتەكا پايدا بولۋى مۇمكىن

19 قاراشا 11:46
:ءبولىسۋ
قازاقستاندا ايەلدەرگە ارنالعان يپوتەكا پايدا بولۋى مۇمكىن

نۇر-سۇلتان. قازاقپارات - ازيا دامۋ بانكى تۇرعىن ءۇي قۇرىلىس جيناق بانكىمەن بىرلەسە وتىرىپ، قازاقستاندا ايەلدەر يپوتەكاسىن ەنگىزۋ مۇمكىندىگىن قاراستىرىپ جاتىر.

بولجام بويىنشا، ونىڭ شەڭبەرىندە نازىك جاندىلارعا جەڭىلدەتىلگەن نەسيەلەر ۇسىنىلادى دەپ حابارلايدى KAZ. NUR. KZ.

اتالعان ماسەلەنى ءماجىلىس دەپۋتاتى يرينا سميرنوۆا كوتەرگەن بولاتىن. ونىڭ پىكىرىنشە، بۇنداي شارا گەندەرلىك تەڭسىزدىكتى تومەندەتۋگە ىقپال ەتىپ، ادىلەتتى بيۋجەت ساياساتىن قامتاماسىز ەتەر ەدى.

دەپۋتات گەندەرلىك قارجىلاندىرۋ ەركەكتەر مەن ايەلدەردى جەكە-جەكە قارجىلاندىرۋدى عانا قاراستىرمايتىنىن، ءبىرىنشى كەزەكتە، ءاربىر جەكە ازاماتتىڭ قاجەتتىلىگىن ەسكەرەتىنىن اتاپ ءوتتى.

سميرنوۆانىڭ باستاماسىن ۇلتتىق ەكونوميكا ءمينيسترى رۋسلان دالەنوۆ قولداپ، گەندەرلىك قارجىلاندىرۋعا دەگەن كوزقاراسى وڭ ەكەنىن جەتكىزدى. ايتۋىنشا، قازاقستان اتالعان باعىتتا حالىقارالىق ۇيىمدارمەن جۇمىس جۇرگىزىپ تە جاتىر.

ول سونداي-اق ازيا دامۋ بانكى مەن قازاقستان تۇرعىن ءۇي قۇرىلىس جيناق بانكىنىڭ بۇل ورايدا جاڭا جوبانى قولعا العانىن جەتكىزدى.

ءمينيستردىڭ ايتۋىنشا، بانكتەر ايەلدەرگە ارنالعان يپوتەكا جوباسى بويىنشا جۇمىس جاساۋدا. ول تەك قانا نازىك جاندىلارعا %12 بەن يپوتەكا بەرۋدى قاراستىرادى.

بەلگىلى بولعانداي، ازيا دامۋ بانكى «قازاقستان تۇرعىن ءۇي قۇرىلىس جيناق بانكى» ا ق- نىڭ نەسيەلىك وپەراتسيالارىن كەڭەيتۋگە كومەكتەسۋ ماقساتىندا جەرگىلىكتى ۆاليۋتادا 100 ميلليون ا ق ش دوللارىنا تەڭ قارىزدى ماقۇلداعان.

بولجام بويىنشا، جاڭا جوبا 3 مىڭنان استام ايەلگە قولجەتىمدى تۇرعىن ءۇي قارجىلاندىرۋىن پايدالانۋعا مۇمكىندىك بەرەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات